നിര്‍ധന വിദ്യാര്‍ഥികള്‍ക്ക് സൗജന്യ തൊഴില്‍ പരിശീലനം
കേന്ദ്ര സര്‍ക്കാര്‍ പദ്ധതിയായ ദേശീയനഗര ഉപജീവന പദ്ധതിയുടെ കീഴില്‍ കേരള ശാസ്ത്ര സാങ്കേതിക മ്യൂസിയം ക്യാമ്ബസില്‍ പ്രവര്‍ത്തിക്കുന്ന ഐ.എച്ച്.ആര്‍.ഡിയുടെ അനുബന്ധ സ്ഥാപനമായ മോഡല്‍ ഫിനിഷിങ് സ്‌കൂള്‍ ജൂണ്‍ ആദ്യ വാരം ആരംഭിക്കുന്ന സൗജന്യ തൊഴിലധിഷ്ഠിത കോഴ്സിലേക്ക് അപേക്ഷ ക്ഷണിച്ചു.ഫീല്‍ഡ് ടെക്‌നിഷ്യന്‍ ആന്‍ഡ് അദര്‍ ഹോം അപ്ലയന്‍സ് കോഴ്‌സിന് എസ്.എസ്.എല്‍.സിയാണ് യോഗ്യത. പ്രായം 18നും 30നുമിടിയില്‍. മൂന്നു മാസമാണ് കോഴ്സ് കാലാവധി.താല്‍പര്യമുള്ള അപേക്ഷകര്‍ 0471-2307733, 8547005050 എന്നീ നമ്ബറുകളില്‍ ബന്ധപ്പെടണം.
എയര്‍പോര്‍ട്ട് മാനേജ്‌മെന്റില്‍ ഡിപ്ലോമ
സ്റ്റേറ്റ് റിസോഴ്‌സ് സെന്ററിന്റെ നേതൃത്വത്തിലുള്ള എസ്.ആര്‍.സി കമ്മ്യൂണിറ്റി കോളേജ് ജൂലൈ സെഷനില്‍ ആരംഭിക്കുന്ന ഡിപ്ലോമ ഇന്‍ എയര്‍പോര്‍ട്ട് മാനേജ്‌മെന്റെ് പ്രോഗ്രാമിലേക്ക് അപേക്ഷ ക്ഷണിച്ചു.നാഷണല്‍ സ്‌കില്‍ ഡവലപ്‌മെന്റ് കോര്‍പ്പറേഷന്‍ അംഗീകാരമുള്ള പ്രോഗ്രാമിന് ബിരുദമോ തത്തുല്യ യോഗ്യതയോ ഉള്ളവര്‍ക്ക് അപേക്ഷിക്കാം. അപേക്ഷയും വിശദവിവരങ്ങളും അടങ്ങിയ പ്രോസ്‌പെക്ടസ് എസ്.ആര്‍.സി ഓഫീസില്‍ നിന്നും അംഗീകൃത പഠനകേന്ദ്രങ്ങളില്‍ നിന്നും ലഭിക്കും. അപേക്ഷ സ്വീകരിക്കുന്ന അവസാന തീയതി ജൂണ്‍ 30. കൂടുതല്‍ വിവരങ്ങള്‍ക്ക് ഫോണ്‍: 04712325101, 8281114464. വെബ്‌സൈറ്റ്: www.srccc.in. വിലാസം: ഡയറക്ടര്‍, സ്റ്റേറ്റ് റിസോഴ്‌സ് സെന്റര്‍, നന്ദാവനം, വികാസ് ഭവന്‍.പി.ഒ, തിരുവനന്തപുരം-695033.
പ്ലസ്‌ടുക്കാർക്ക് ഫാഷന്‍ ഡിസൈനിംഗില്‍ ഡിഗ്രി
കേന്ദ്ര ടെക്‌സ്‌റ്റൈല്‍ മന്ത്രാലയത്തിന് കീഴിലുള്ള അപ്പാരല്‍ ട്രെയിനിംഗ് ആന്റ് ഡിസൈന്‍ സെന്ററും രാജീവ് ഗാന്ധി നാഷണല്‍ ഇന്‍സ്റ്റിറ്റ്യൂട്ട് ഓഫ് യൂത്ത് ഡെവലപ്പ്‌മെന്റും സംയുക്തമായി നടത്തുന്ന മൂന്ന് വര്‍ഷം ദൈര്‍ഘ്യമുള്ള ബി വോക് ഡിഗ്രി ഇന്‍ ഫാഷന്‍ ഡിസൈന്‍ ആന്‍ഡ് റീട്ടെയില്‍ (ബി വോക് എഫ് ഡി ആര്‍) എന്ന റഗുലര്‍ കോഴ്സിലേക്ക് അഡ്മിഷന്‍ ആരംഭിച്ചു.പ്ലസ്ടുവാണ് അടിസ്ഥാന യോഗ്യത. അപേക്ഷകര്‍ ഓഫീസുമായി നേരിട്ടോ www.aldeindia.co.in എന്ന വെബ്‌സൈറ്റ് സന്ദര്‍ശിച്ചോ പേര് രജിസ്റ്റര്‍ ചെയ്യണം.
സൗജന്യ കോഴ്സിലേക്ക് അപേക്ഷിക്കാം
കേരള സര്‍ക്കാര്‍ സ്ഥാപനമായ ഐ.എച്ച്.ആര്‍.ഡി യുടെ കീഴില്‍ കട്ടപ്പന കോളേജ് ഓഫ് അപ്ലൈഡ് സയന്‍സില്‍ ദേശീയ നഗര ഉപജീവന മിഷന്‍ നടത്തുന്ന ഫീല്‍ഡ് ടെക്നീഷ്യന്‍-ഹോം അപ്ലയന്‍സസ് മൂന്നു മാസ സൗജന്യ കോഴ്സിലേക്ക് അപേക്ഷ ക്ഷണിച്ചു.(വിദ്യാഭ്യസ യോഗ്യത:പത്താം ക്ലാസ്) കട്ടപ്പന മുനിസിപ്പാലിറ്റി പരിധിയില്‍ സ്ഥിര താമസക്കാരും ബി.പി.എല്‍ വിഭാഗത്തില്‍പ്പെട്ടവരോ അല്ലെങ്കില്‍ ഒരു ലക്ഷം രൂപയില്‍ താഴെ വാര്‍ഷിക കുടുംബ വരുമാനം ഉള്ളവരോ ആയിരിക്കണം. ജൂണ്‍ 2 വരെ അപേക്ഷിക്കാം. ഫോണ്‍- 04868 2501604 2985252, 9497432194.
സംസ്ഥാനത്തെ സർക്കാർ/സ്വാശ്രയ കോളേജുകളിലേക്ക് 2022-23 അദ്ധ്യയന വർഷത്തെ ബാച്ചിലർ ഓഫ് ഡിസൈൻ (B.Des) പ്രവേശനത്തിന് അപേക്ഷ ക്ഷണിച്ചു. അപേക്ഷകർ കേരള ഹയർ സെക്കൻഡറി ബോർഡിന്റെ പ്ലസ്-ടു യോഗ്യതാപരീക്ഷയോ, തത്തുല്യം എന്ന് അംഗീകരിക്കപ്പെട്ട മറ്റു ഏതെങ്കിലും യോഗ്യതാപരീക്ഷയോ 45 ശതമാനം മാർക്കോടെ പാസായിരിക്കണ.തിരുവനന്തപുരം, കൊല്ലം, കോട്ടയം, എറണാകുളം, കോഴിക്കോട് ജില്ലകളിലെ പരീക്ഷാ കേന്ദ്രങ്ങളിൽ ജൂലൈ 9ന് രാവിലെ 10 മുതൽ 11.40 വരെ പ്രവേശന പരീക്ഷ നടത്തും. www.lbscentre.kerala.gov.in എന്ന വെബ്‌സൈറ്റ് വഴി ഓൺലൈനായി മേയ് 28 മുതൽ ജൂൺ 25 വരെ അപേക്ഷാ ഫീസ് ഒടുക്കാം.
ബി.പി.ടി, ബി.ഒ.ടി, ബി.പി.ഒ ദേശീയ സ്ഥാപനങ്ങളില്‍ പഠിക്കാം; പൊതു പ്രവേശനപരീക്ഷ ജൂലൈ 24ന്
ബാച്ചിലര്‍ ഓഫ് ഫിസിയോതെറപ്പി (ബി.പി.ടി), ബാച്ചിലര്‍ ഓഫ് ഒക്കുപേഷനല്‍ തെറപ്പി (ബി.ഒ.ടി), ബാച്ചിലര്‍ ഇന്‍ പ്രോസ്തെറ്റിക്സ് ആന്‍ഡ് ഓര്‍ത്തോട്ടിക്സ് (ബി.പി.ഒ) കോഴ്സുകള്‍ പഠിക്കാന്‍ അവസരം.നാഷനല്‍ ഇന്‍സ്റ്റിറ്റ്യൂട്ട് ഫോര്‍ ലോക്കോമോട്ടോര്‍ ഡിസെബിലിറ്റീസ്, കൊല്‍ക്കത്ത ദേശീയതലത്തില്‍ ജൂലൈ 24 ന് നടത്തുന്ന പൊതുപ്രവേശന പരീക്ഷയുടെ റാങ്ക് അടിസ്ഥാനത്തിലാണ് അഡ്മിഷന്‍. വിജ്ഞാപനം www.niohkol.nic.inല്‍.അപേക്ഷ ഓണ്‍ലൈനായി ജൂണ്‍ 25ന് വൈകീട്ട് അഞ്ചു മണിക്കകം. കൂടുതല്‍ വിവരങ്ങള്‍ക്ക്: +91 9432772725, 033 25312564.
പ്ലസ്‌ടു ,പത്താം ക്ലാസ് ജയിച്ചവർക്ക് കേന്ദ്രസർക്കാർ സ്ഥാപനമായ സിഫ്‌നെറ്റിൽ ബിരുദ, മറൈൻ ട്രേഡ് കോഴ്‌സുകൾ
മത്സ്യവ്യവസായവുമായി ബന്ധപ്പെട്ട കോഴ്സുകളിലേക്ക് കൊച്ചിയിൽ പ്രവർത്തിക്കുന്ന കേന്ദ്രസർക്കാർ സ്ഥാപനമായ സിഫ്നെറ്റ് അപേക്ഷ ക്ഷണിച്ചു. കൂടുതൽ വിവരങ്ങൾക്കായി: www.cifnet.gov.in.കൊച്ചിയടക്കം 5 കേന്ദ്രങ്ങളിൽ എൻട്രൻസ് പരീക്ഷ നടത്തും.അപേക്ഷാഫോം മാതൃകകളും പ്രോസ്പെക്ടസുകളും വെബ്സൈറ്റിൽ. രേഖകൾ സഹിതം അപേക്ഷ ജൂൺ 20ന് അകം സിഫ്നെറ്റ് ഡയറക്ടറുടെ പേരിൽ കൊച്ചി ഓഫിസിലെത്തണം.
അക്കൗണ്ട്സ് എക്സിക്യൂട്ടീവ് കോഴ്സ് പ്രവേശനം
കേന്ദ്ര – സംസ്ഥാന സര്‍ക്കാരുകളുടെ സംയുക്താഭിമുഖ്യത്തില്‍ കെ.എ.എസ്. ഇ വഴി നടപ്പിലാക്കുന്ന സങ്കല്‍പ്പ് പദ്ധതിയുടെ ഭാഗമായി പൂഞ്ഞാര്‍ ഐ.എച്ച്.ആര്‍.ഡി എഞ്ചിനീയറിംഗ് കോളേജില്‍ ആരംഭിക്കുന്ന അക്കൗണ്ട്സ് എക്സിക്യൂട്ടീവ് ഹൃസ്വകാല സര്‍ട്ടിഫിക്കറ്റ് കോഴ്സ് പ്രവേശനത്തിന് അപേക്ഷ ക്ഷണിച്ചു.കൊമേഴ്സ് മുഖ്യ വിഷയമായി ഹയര്‍ സെക്കണ്ടറി പഠിച്ചവര്‍ക്കും ബി കോം, ബിബിഎ , ബി.എ സാമ്ബത്തിക ശാസ്ത്രം എന്നിവയില്‍ ഡിഗ്രിയും സാമ്ബത്തിക മേഖലയില്‍ രണ്ട് വര്‍ഷത്തെ പ്രവര്‍ത്തി പരിചയവുമുള്ളവര്‍ക്കും അപേക്ഷിക്കാം.കൂടുതല്‍ വിവരത്തിന് ഫോണ്‍: 9446122060, 8547005035
0 comments: