നാല് വയസ്സിന് മുകളിലുള്ള കുട്ടികള്‍ക്ക് നേരത്തെ തന്നെ ഹെല്‍മറ്റ് നിര്‍ബന്ധമാക്കിയിരുന്നു. നിലവിലെ വിജ്ഞാപനത്തില്‍ കുട്ടികളുടെ ഹെല്‍മറ്റും സുരക്ഷ ബെല്‍റ്റും എങ്ങനെ ഉള്ളത് ആയിരിക്കണമെന്നും പറയുന്നുണ്ട്. ബ്യൂറോ ഓഫ് ഇന്ത്യന്‍ സ്റ്റാന്‍ഡേര്‍ഡ്സ് (ബി.ഐ.എസ്.) നിയമത്തിലെ നിലവാരം പാലിക്കുന്നതോ, സൈക്കിള്‍ ഹെല്‍മറ്റോ ധരിക്കണം. സുരക്ഷ ബെല്‍റ്റില്‍ കുട്ടി ധരിക്കുന്ന വെസ്റ്റും ഡ്രൈവര്‍ ധരിക്കുന്ന സ്ട്രാപ്പും ഉണ്ടായിരിക്കും. ഇരുവരേയും തമ്മില്‍ ബന്ധിപ്പിക്കാനാണിത്.
പുതിയ നിയമങ്ങള്‍ അനുസരിച്ച്, ഉപയോഗിക്കുന്ന സുരക്ഷ ബെല്‍റ്റ് ഭാരം കുറഞ്ഞതും വെള്ളം കയറാത്തതുമായ 30 കിലോഗ്രാം വരെ ഭാരം വഹിക്കാന്‍ ശേഷിയുള്ളതും ആയിരിക്കണം.കഴിഞ്ഞ വര്‍ഷം ഒക്ടോബറില്‍ ഇത് സംബന്ധിച്ച നിര്‍ദ്ദേശങ്ങള്‍ അടങ്ങിയ കരട് വിജ്ഞാപനം മന്ത്രാലയം പുറപ്പെടുവിച്ചിരുന്നു.
0 comments: