കാപ്പി കുടിക്കാന്‍ ഇഷ്ടമില്ലാത്തവര്‍ കുറവായിരിക്കണം. കാപ്പി രുചിക്കുന്നതു തന്നെ ഒരു ജോലിയായാലോ? കാപ്പിയുടെ ഗുണനിലവാരം വിലയിരുത്തുന്നതിനായി പാഠ്യപദ്ധതി തന്നെ നിലവിലുണ്ട്.അതാണ് പോസ്റ്റ് ഗ്രാജ്വേറ്റ് ഡിപ്ലോമ ഇന്‍ കോഫി ക്വാളിറ്റി മാനേജ്മെന്‍റ്. 12 മാസമാണ് കോഴ്സിന്‍റ കാലാവധി.അപേക്ഷ സെപ്റ്റംബര്‍ 16നകം നല്‍കണം. കോഫി ടെസ്റ്ററാകുന്നതിനുള്ള പ്രത്യേക പരിജ്ഞാനവും ഈ കോഴ്സിലൂടെ ലഭിക്കും. കാപ്പിക്കൃഷി, ഗുണനിയന്ത്രണം, വിപണനം തുടങ്ങിയവയും പാഠ്യപദ്ധതിയിലുണ്ട്. കോഫി ടേസ്‌റ്റര്‍ നിയമനത്തിനും ഈ യോഗ്യത സഹായകമാണ്.
ഇന്ത്യന്‍ കോഫി ബോര്‍ഡിന്‍റ ആഭിമുഖ്യത്തില്‍ ബെംഗലൂരുവിനടത്ത് ചികമാംഗലൂരിലെ സി.സി.ആര്‍.ഐയില്‍ വെച്ചാണ് കോഴ്സ് നടത്തുന്നത്. പഠിച്ചിറങ്ങുന്നവര്‍ക്ക് ഇന്ത്യന്‍ കോഫി ഇന്‍ഡസ്ട്രിയിലും എക്സ്പോര്‍ട്ട് ഡിവിഷനിലും കാപ്പി ഉല്‍പ്പാദന മേഖലയും മറ്റും ക്വാളിറ്റി മാനേജ്മെന്‍റ് ഡിവിഷനില്‍ മികച്ച തൊഴില്‍ സാധ്യതയുണ്ട്.
ബോട്ടണി, സുവോളജി, കെമിസ്‌ട്രി, ബയോടെക്‌നോളജി, ബയോസയന്‍സ്, ഫുഡ് ടെക്‌നോളജി, ഫുഡ് സയന്‍സ്, എന്‍വയണ്‍മെന്റല്‍ സയന്‍സ് ഇവയിലൊന്നെങ്കിലും അടങ്ങിയ ബിരുദം, ഏതെങ്കിലും ആഗ്രികള്‍ചറല്‍ സയന്‍സ് ബിരുദം ഉള്ളവര്‍ക്ക് അപേക്ഷിക്കാം. യോഗ്യതാ പരീക്ഷയിലെ മാര്‍ക്ക്, ജനുവരി 5നു നടത്തുന്ന ഇന്റര്‍വ്യൂ, നാവിന്റെ സംവേദനശേഷി പരിശോധന എന്നിവ ആസ്പദമാക്കിയാണ് തെരഞ്ഞെടുപ്പ്. കോഴ്സ് ഫീ രണ്ടര ലക്ഷം രൂപ. കൂടുതല്‍ വിവരങ്ങള്‍ക്ക് www.indiacoffee.org കാണുക.
0 comments: