ഒൻപതാം ക്ലാസ് മുതൽ പിജി വരെ വിദ്യാർത്ഥികൾക്ക് SBIയുടെ ആശ സ്കോളർഷിപ്പ്: 15,000 മുതൽ 20 ലക്ഷം രൂപ വരെ

                             

സ്റ്റേറ്റ് ബാങ്ക് ഓഫ് ഇന്ത്യയുടെ പ്ലാറ്റിനം ജൂബിലി ആശ സ്കോളർഷിപ്പിന് അപേക്ഷകൾ ക്ഷണിച്ചു. ഒൻപതാം ക്ലാസ് മുതൽ ബിരുദാനന്തര ബിരുദം (പിജി) വരെയുള്ള വിദ്യാർത്ഥികൾക്ക് ഈ സ്കോളർഷിപ്പിന് അപേക്ഷിക്കാം. തെരഞ്ഞെടുക്കപ്പെടുന്നവർക്ക് പഠനം പൂർത്തിയാകുന്നതുവരെ സാമ്പത്തിക സഹായം ലഭിക്കും. ട്യൂഷൻ ഫീസും മറ്റ് വിദ്യാഭ്യാസ ചെലവുകളും ഇതിൽ ഉൾപ്പെടും.

സ്കോളർഷിപ്പ് ആനുകൂല്യം 

രാജ്യത്തുടനീളം ഈ വർഷം 23,230 വിദ്യാർത്ഥികൾക്ക് സ്കോളർഷിപ്പ് അനുവദിക്കും. പ്രതിവർഷം ₹15,000 മുതൽ പരമാവധി ₹20 ലക്ഷം വരെ സഹായം ലഭ്യമാകും.

ആർക്കെല്ലാം അപേക്ഷിക്കാം??

• ഒൻപതാം ക്ലാസ് മുതൽ പിജി വരെയുള്ള വിദ്യാർത്ഥികൾക്ക് പുറമെ, ഐഐടികൾ, ഐഐഎമ്മുകൾ, മെഡിക്കൽ, പ്രൊഫഷണൽ സ്ഥാപനങ്ങൾ തുടങ്ങിയവയിലും പഠിക്കുന്നവർക്ക് അപേക്ഷിക്കാം. 
• വിദേശത്ത് പഠിക്കാൻ ആഗ്രഹിക്കുന്ന വിദ്യാർത്ഥികൾക്കും അവസരം ഉണ്ട്. എൻഐആർഎഫ് (NIRF) ടോപ്പ് 300 ലിസ്റ്റിലുളളതോ, നാക് (NAAC) ‘എ’ ഗ്രേഡ് ലഭിച്ചതോ ആയ സ്ഥാപനങ്ങളിൽ പഠിക്കുന്നവർക്കാണ് മുൻഗണന.

യോഗ്യതാമാനദണ്ഡം

• അപേക്ഷകർ മുൻ അധ്യയന വർഷത്തിൽ കുറഞ്ഞത് 75% മാർക്ക് അല്ലെങ്കിൽ 7.0 സിജിപിഎ നേടിയിരിക്കണം. 
• സ്കൂൾ വിദ്യാർത്ഥികളുടെ കുടുംബ വാർഷിക വരുമാനം ₹3 ലക്ഷം കവിയരുത്.
• കോളേജ്/പിജി വിദ്യാർത്ഥികൾക്കുള്ള പരിധി ₹6 ലക്ഷമാണ്.
• പെൺകുട്ടികൾക്കായി 50% സീറ്റുകളും, SC/ST വിഭാഗങ്ങൾക്ക് 25% സീറ്റുകളും സംവരണം ചെയ്തിട്ടുണ്ട്.

Note: പ്രത്യേക വിഭാഗങ്ങൾക്ക് ഇളവുണ്ട് — മുൻ അധ്യയന വർഷത്തിൽ കുറഞ്ഞത് 67.5% മാർക്ക് അല്ലെങ്കിൽ 6.3 സിജിപിഎ നേടിയവർക്കും അപേക്ഷിക്കാം.

അപേക്ഷ സമർപ്പിക്കാനുള്ള അവസാന തീയതി നവംബർ 15. കൂടുതൽ വിവരങ്ങൾക്കും അപേക്ഷ സമർപ്പിക്കാനുമായി താഴെ കാണുന്ന ലിങ്ക് ക്ലിക്ക് ചെയ്യുക 

Click Here

തുടർന്നു വരുന്ന പേജിൽ Apply Now ക്ലിക്ക് ചെയ്യുക 

18 വയസ്സ് മുതൽ 30 വയസ്സ് വരെയുള്ള യുവതി യുവാക്കൾക്ക് 1000 രൂപ എല്ലാ മാസവും ലഭിക്കുന്ന സംസ്ഥാന സർക്കാരിന്റെ പുതിയ പദ്ധതി

                                     

കേരളത്തിലെ യുവാക്കൾക്കും യുവതികൾക്കും തൊഴിൽപരമായ മുന്നേറ്റത്തിനും പരിശീലനത്തിനും കരുത്താകുന്ന കണക്ട് ടു വർക്ക് സ്കോളർഷിപ്പ് പദ്ധതിയുമായി സർക്കാർ മുന്നോട്ട്. കുടുംബവരുമാനം വർഷത്തിൽ ഒരു ലക്ഷം രൂപയിൽ താഴെയുള്ളവർക്ക് പ്രതിമാസ ധനസഹായം ലഭ്യമാക്കുമെന്ന് മുഖ്യമന്ത്രി പിണറായി വിജയൻ പ്രഖ്യാപിച്ചു.

പ്ലസ് ടു, ഐടിഐ, ഡിപ്ലോമ, ഡിഗ്രി പഠനം പൂർത്തിയാക്കിയ ശേഷം വിവിധ സ്കിൽ ഡെവലപ്‌മെന്റ് കോഴ്‌സുകൾ പഠിക്കുന്നവർക്കും, വിവിധ ജോലി പരീക്ഷകൾക്കും മത്സരപരീക്ഷകൾക്കും തയ്യാറെടുക്കുന്നവർക്കും ഈ പദ്ധതി ലക്ഷ്യമിടുന്നു.

18 മുതൽ 30 വയസ്സ് വരെയുള്ള യുവതി–യുവാക്കൾക്കാണ് ഈ ആനുകൂല്യം ലഭിക്കുക. പ്രതിമാസം ₹1000 രൂപയുടെ ധനസഹായമാണ് സർക്കാർ നൽകുന്നത്. വിദ്യാഭ്യാസവും തൊഴിൽരംഗവും തമ്മിലുള്ള വ്യത്യാസം കുറയ്ക്കുകയും, തൊഴിൽമേഖലയിലേക്കുള്ള യുവത്വത്തിന്റെ പ്രവേശനം എളുപ്പമാക്കുകയും ചെയ്യുക എന്നതാണ് പദ്ധതിയുടെ ലക്ഷ്യം.

കേരളത്തിലെ യുവജനങ്ങൾക്കായി ഒരു പുതിയ ദിശാബോധം സൃഷ്ടിക്കുന്ന ഈ പദ്ധതി ഉടൻ പ്രാബല്യത്തിൽ വരും. കണക്ട് ടു വർക്ക് സ്കോളർഷിപ്പ് എന്ന പേരിലുള്ള ഈ പദ്ധതിയിൽ 5 ലക്ഷം യുവതീ യുവാക്കൾ ഗുണഭോക്താക്കൾ ആകും എന്നാണ് പ്രതീക്ഷിക്കുന്നത്. പ്രതിവർഷം 600 കോടി രൂപ ഈ പദ്ധതിക്കായി സർക്കാർ നീക്കിവെക്കുന്നത് എന്നും മുഖ്യമന്ത്രി പിണറായി വിജയൻ വ്യക്തമാക്കി.

“യുവ 25” സ്കോളർഷിപ്പ് പദ്ധതി: സ്വാസ്തിക ചാരിറ്റബിൾ ട്രസ്റ്റിന്റെ പുതിയ സംരംഭം

                                       

സാമൂഹിക സേവന രംഗത്ത് പത്ത് വർഷം പൂർത്തിയാക്കുന്ന സന്തോഷത്തിൽ, സ്വാസ്തിക ചാരിറ്റബിൾ ട്രസ്റ്റ് സാമ്പത്തികമായി പിന്നോക്കം നിൽക്കുന്ന വിദ്യാർത്ഥികൾക്കായി ഒരു വലിയ അവസരം പ്രഖ്യാപിച്ചിട്ടുണ്ട്.

“യുവ 25” എന്ന പേരിൽ ആരംഭിച്ച ഈ പുതിയ സ്കോളർഷിപ്പ് പദ്ധതി, യുവ വിദ്യാർത്ഥികൾക്ക്  ഡിജിറ്റൽ മാർക്കറ്റിംഗിൽ കരിയർ രൂപപ്പെടുത്താനുള്ള സൗജന്യ പരിശീലനമാണ് നൽകുന്നത്.

പദ്ധതിയുടെ പ്രധാന ലക്ഷ്യം

ഇന്നത്തെ കാലഘട്ടത്തിൽ ഡിജിറ്റൽ മേഖലയിൽ അനവധി തൊഴിൽ അവസരങ്ങൾ ഉണ്ട്. എന്നാൽ സാമ്പത്തികമായി പിന്നാക്കം നിൽക്കുന്ന  വിദ്യാർത്ഥികൾക്ക് ഈ മേഖലയിൽ പ്രവേശിക്കാൻ ആവശ്യമായ പരിശീലനം ലഭിക്കാത്തതാണ് യാഥാർത്ഥ്യം. ഇത് പരിഹരിക്കാനാണ് സ്വാസ്തിക ട്രസ്റ്റ് “യുവ 25” പദ്ധതി ആരംഭിച്ചത് — 50-ൽ അധികം വിദ്യാർത്ഥികൾക്ക് 68,000 രൂപ വിലയുള്ള കോഴ്സ് പൂർണ്ണമായും സൗജന്യമായി ലഭിക്കും.

എന്താണ് ഈ കോഴ്‌സ്?

ആറ് മാസം നീളുന്ന ഈ കോഴ്‌സിലൂടെ വിദ്യാർത്ഥികൾക്ക് താഴെ പറയുന്ന ആധുനിക ഡിജിറ്റൽ സ്കില്ലുകൾ പഠിക്കാൻ കഴിയും:

• ഡിജിറ്റൽ മാർക്കറ്റിംഗ് (Digital Marketing)
• ഗ്രാഫിക് ഡിസൈൻ (Graphic Design)
• വീഡിയോ എഡിറ്റിംഗ് (Video Editing)
• എസ്ഇഒ (SEO – Search Engine Optimization)
• എ.ഐ ടൂളുകൾ (Artificial Intelligence Tools)

കോഴ്‌സിനൊപ്പം വ്യക്തിത്വ വികസന പരിശീലനം, ആശയവിനിമയ കഴിവ്, ഇമോഷണൽ ഇന്റലിജൻസ് തുടങ്ങിയ വിഷയങ്ങളിലൂടെയും വിദ്യാർത്ഥികൾക്ക് ആത്മവിശ്വാസം വളർത്താനാകും. ഈ പരിശീലനം ആത്മസൂത്ര ഇൻസ്റ്റിറ്റ്യൂട്ട് ഓഫ് കരിയർ ഡെവലപ്മെന്റ് ആൻഡ് ട്രെയിനിംഗ് (AICDT)മുഖേനയാണ് ലഭ്യമാകുന്നത്.

ആറ് മാസത്തെ പരിശീലനത്തിനു ശേഷം വിദ്യാർത്ഥികൾക്ക് രണ്ട് മാസത്തെ ഇന്റേൺഷിപ്പും ലഭിക്കും. കൂടാതെ, ട്രസ്റ്റ് തൊഴിൽ അവസര പിന്തുണയും വ്യവസായ അംഗീകൃത സർട്ടിഫിക്കേഷനും നൽകുന്നു — ഇതിലൂടെ പരിശീലനം പൂർത്തിയാക്കിയവർക്ക് നേരിട്ട് ജോലികളിൽ പ്രവേശിക്കാനും കഴിയും.

ആർക്ക് അപേക്ഷിക്കാം?

• ബിപിഎൽ വിഭാഗത്തിൽപ്പെട്ടവർക്ക് (BPL category)
• പ്ലസ് ടു അല്ലെങ്കിൽ ഡിഗ്രിയിൽ കുറഞ്ഞത് 50% മാർക്ക് നേടിയിരിക്കണം
• ഡിജിറ്റൽ മേഖലയിൽ കരിയർ തുടങ്ങാൻ ആഗ്രഹിക്കുന്ന യുവാക്കൾക്കും യുവതികൾക്കും

എങ്ങനെ അപേക്ഷിക്കാം?

ഓൺലൈൻ വഴി അപേക്ഷ സമർപ്പിക്കാം.

http://www.svaastika.org/yuva/

കൂടുതൽ വിവരങ്ങൾക്ക്:  svaastika.online@gmail.com

ഫോൺ: +91 9745301979 ബന്ധപ്പെടുക

അപേക്ഷയുടെ അവസാന തീയതി: 2025 നവംബർ 25

Note: സ്കോളർഷിപ്പ് അർഹത നേടിയ വിദ്യാർത്ഥികൾക്ക് സ്കോളർഷിപ്പ് സർട്ടിഫിക്കറ്റുകൾ കൈമാറുന്ന പ്രത്യേക ചടങ്ങ് ഡിസംബർ മാസത്തിൽ തിരുവനന്തപുരം വച്ച് നടക്കും. ഓരോ സ്കോളർഷിപ്പിനും പിന്തുണ നൽകിയ വ്യക്തികളാണ് അതത് വിദ്യാർത്ഥികൾക്ക് സർട്ടിഫിക്കറ്റ് നൽകുക.

ഒന്നാം ക്ലാസ് മുതൽ ഡിഗ്രി വരെ പഠിക്കുന്ന വിദ്യാർത്ഥികൾക്ക് സർക്കാർ സ്കോളർഷിപ് 10000/- രൂപ കിട്ടും ; സ്നേഹപൂർവ്വം സ്കോളർഷിപ്പ് 2025–26

                                  

സാമൂഹ്യ സുരക്ഷാ മിഷൻ മുഖേന സംസ്ഥാന സർക്കാർ നടപ്പാക്കുന്ന ‘സ്നേഹപൂർവ്വം സ്കോളർഷിപ്പ് പദ്ധതി’പിതാവോ മാതാവോ അല്ലെങ്കിൽ ഇരുവരും മരണപ്പെട്ട വിദ്യാർത്ഥികൾക്കുള്ള സാമ്പത്തിക സഹായ പദ്ധതിയാണ്. വിദ്യാർത്ഥികളുടെ വിദ്യാഭ്യാസം തടസ്സപ്പെടാതിരിക്കാനാണ് ഈ സ്കോളർഷിപ്പ് നൽകുന്നത്.

സ്കോളർഷിപ്പ് തുക:

വിദ്യാർത്ഥികളുടെ പ്രായത്തിനും പഠനനിലയ്ക്കുമനുസരിച്ച് സ്കോളർഷിപ്പ് തുക വ്യത്യാസപ്പെട്ടിരിക്കുന്നു –

• 5 വയസിന് താഴെ പ്രായമുള്ള കുട്ടികൾക്കും, ഒന്നാം ക്ലാസ് മുതൽ അഞ്ചാം ക്ലാസ് വരെ പഠിക്കുന്ന വിദ്യാർത്ഥികൾക്കും: ₹3,000/- വർഷത്തിൽ
• ആറാം ക്ലാസ് മുതൽ പത്താം ക്ലാസ് വരെ: ₹5,000/- വർഷത്തിൽ
• പ്ലസ്ടു/തത്തുല്യ കോഴ്സുകൾ പഠിക്കുന്നവർക്ക്: ₹7,500/- വർഷത്തിൽ
• ഡിഗ്രി അല്ലെങ്കിൽ പ്രൊഫഷണൽ ഡിഗ്രി കോഴ്സുകൾ പഠിക്കുന്നവർക്ക്: ₹10,000/- വർഷത്തിൽ

ഓൺലൈൻ അപേക്ഷാ തീയതികൾ:

• അപേക്ഷ ആരംഭിക്കുന്നത്: 27 ഒക്ടോബർ 2025
• അവസാന തീയതി: 31 ഡിസംബർ 2025

അർഹത:

• പിതാവോ മാതാവോ അല്ലെങ്കിൽ ഇരുവരും മരണപ്പെട്ട വിദ്യാർത്ഥികൾക്ക് അപേക്ഷിക്കാം.
• സർക്കാർ അല്ലെങ്കിൽ എയ്ഡഡ് സ്ഥാപനങ്ങളിൽ പഠിക്കുന്ന വിദ്യാർത്ഥികൾക്കു മാത്രമേ ഈ സ്കോളർഷിപ്പിന് അർഹതയുള്ളു.
• അനാഥാലയങ്ങളിൽ പഠിക്കുന്ന വിദ്യാർത്ഥികൾക്ക് അപേക്ഷിക്കാനാവില്ല.

ആവിശ്യമായ രേഖകൾ 

• രക്ഷിതാവിന്റെ അപേക്ഷ 
• മരണപ്പെട്ട വ്യക്തിയുടെ മരണ സർട്ടിഫിക്കറ്റ് 
• രക്ഷിതാവിൻേറയും, കുട്ടിയുടെയും പേരിലുള്ള ജോയിന്റ് അക്കൗണ്ട് ബാങ്ക് അക്കൗണ്ട് പാസ്ബുക്ക് കോപ്പി 
• ആധാർ കാർഡ് കോപ്പി 
• റേഷൻ കാർഡ് കോപ്പി
• വരുമാന സർട്ടിഫിക്കറ്റ് 

കൂടുതൽ വിവരങ്ങൾക്ക് താഴെ കാണുന്ന ലിങ്ക് ക്ലിക്ക് ചെയ്യുക 

http://kssm.ikm.in/

വരുമാനപരിധി:

• ഗ്രാമപ്രദേശങ്ങളിൽ താമസിക്കുന്നവരുടെ വാർഷിക വരുമാനം ₹20,000/- കവിയരുത്.
• നഗരപ്രദേശങ്ങളിലെ അപേക്ഷകരുടെ വാർഷിക വരുമാനം ₹22,375/- വരെ അനുവദനീയമാണ്.
• APL വിഭാഗത്തിലെവർ വരുമാന സർട്ടിഫിക്കറ്റ് (Revenue Officerൽ നിന്ന് ലഭിച്ചത്) സഹിതം സമർപ്പിക്കണം.
• BPL വിഭാഗം അപേക്ഷകർക്ക് മുൻഗണന നൽകും (BPL സർട്ടിഫിക്കറ്റ്, റേഷൻ കാർഡ് പകർപ്പ് സഹിതം).

ബാങ്ക് അക്കൗണ്ട് നിബന്ധന:

• വിദ്യാർത്ഥിയുടെ പേരിലും രക്ഷിതാവിന്റെ (അല്ലെങ്കിൽ ഗാർഡിയന്റെ) പേരിലും ഉള്ള ജോയിന്റ് അക്കൗണ്ട്ഏതെങ്കിലും നാഷണലൈസ്ഡ് ബാങ്കിൽ ഉണ്ടായിരിക്കണം.
• അക്കൗണ്ട് പാസ്ബുക്കിന്റെ പകർപ്പിൽ ഇരുവരുടെയും ഫോട്ടോ ഉൾപ്പെടെ അപേക്ഷയോടൊപ്പം ചേർക്കണം.
• വിദ്യാർത്ഥിയുടെ ആധാർ കാർഡ് പകർപ്പും ആവശ്യമാണ്.

അപേക്ഷ സമർപ്പിക്കുന്ന വിധം:

• വിദ്യാർത്ഥികൾ പഠിക്കുന്ന സ്ഥാപനത്തിലേക്ക് അപേക്ഷ ആവശ്യമായ രേഖകളോടൊപ്പം സമർപ്പിക്കണം.
• സ്ഥാപനത്തിന്റെ മേധാവി (Head of Institution) അപേക്ഷ പരിശോധിച്ച് ഓൺലൈനായി അപ്‌ലോഡ് ചെയ്യും.
• 5 വയസിനു താഴെ പ്രായമുള്ള കുട്ടികൾ ജില്ലാ ബാലക്ഷേമ സമിതിയുടെ ശുപാർശയോടെ നേരിട്ട് അപേക്ഷ സമർപ്പിക്കാം.

Note: അവസാന തീയതി: 2025 ഡിസംബർ 31

ഒറ്റ മകൾ ആയ വിദ്യാർത്ഥികൾക്ക് Single Girl Child Merit Scholarship.മാതാപിതാക്കൾക്ക് ഒറ്റ മകൾ ആണെങ്കിൽ ഈ സ്കോളർഷിപ് ലഭിക്കും

                                    

സെൻട്രൽ ബോർഡ് ഓഫ് സെക്കൻഡറി എജ്യുക്കേഷൻ (CBSE) 2025 അധ്യയന വർഷത്തേക്കുള്ള Single Girl Child Merit Scholarship പദ്ധതിയിലേക്ക് അപേക്ഷിക്കാനുള്ള അവസാന തീയതി നവംബർ 20 വരെ നീട്ടിയിരിക്കുന്നു.

പത്താം ക്ലാസ് CBSE ബോർഡ് പരീക്ഷയിൽ വിജയിച്ച്, CBSE അഫിലിയേറ്റ് ചെയ്ത സ്കൂളുകളിൽ പതിനൊന്നാം ക്ലാസിൽ പഠനം തുടരുന്ന ഒറ്റ പെൺകുട്ടികളെ പിന്തുണയ്ക്കുകയാണ് ഈ പദ്ധതിയുടെ ലക്ഷ്യം.

ട്യൂഷൻ ഫീസ് ഉൾപ്പെടെ സാമ്പത്തിക സഹായം ലഭ്യമാക്കുന്നതിലൂടെ, പെൺകുട്ടികളിൽ അക്കാദമിക മികവ് വളർത്താനും വിദ്യാഭ്യാസ ചെലവ് കുറയ്ക്കാനും പദ്ധതിയിലൂടെ CBSE ലക്ഷ്യമിടുന്നു.

യോഗ്യതാ മാനദണ്ഡങ്ങൾ

1. ഒറ്റ പെൺകുട്ടി: അപേക്ഷക മാതാപിതാക്കളുടെ ഏകമകളായിരിക്കണം.
2. അക്കാദമിക മികവ്: CBSE പത്താം ക്ലാസ് പരീക്ഷയിൽ കുറഞ്ഞത് 60% മാർക്ക്നേടിയിരിക്കണം.
3. പഠനം: CBSE അഫിലിയേറ്റഡ് സ്കൂളിലെ പതിനൊന്നാം ക്ലാസിൽ ഇപ്പോൾ പഠിക്കണം.
4. ട്യൂഷൻ ഫീസ് പരിധി:

• ഇന്ത്യൻ വിദ്യാർത്ഥികൾക്കായി: പത്താം ക്ലാസിൽ മാസത്തിൽ ₹1,500ൽ കവിയരുത്.
• NRI വിദ്യാർത്ഥികൾക്കായി: മാസത്തിൽ ₹6,000ൽ കവിയരുത്.

ശ്രദ്ധിക്കുക: അപേക്ഷിക്കുന്നതിന് മുൻപ് എല്ലാ യോഗ്യതകളും പാലിക്കുന്നുണ്ടെന്ന് ഉറപ്പാക്കണം.

Download Official Notification -Download

അപേക്ഷ സമർപ്പിക്കേണ്ട വിധം

ആദ്യം നിങ്ങൾ താഴെ കാണുന്ന എന്നുള്ള ഭാഗത്ത് ക്ലിക്ക് ചെയ്യുക

Click Here

ശേഷം CBSE യുടെ ഔദ്യോഗിക സ്കോളർഷിപ്പ് പോർട്ടൽ തുറന്ന് വരും 

  

ആവശ്യമായ രേഖകൾ

• പത്താം ക്ലാസ് മാർക്ക് ലിസ്റ്റ് ഔദ്യോഗിക പകർപ്പ്.
• അപേക്ഷക ഒറ്റപെൺകുട്ടിയാണെന്ന് തെളിയിക്കുന്ന അഫിഡവിറ്റ് (ഫസ്റ്റ് ക്ലാസ് ജുഡീഷ്യൽ മജിസ്ട്രേറ്റ്, SDM, എക്സിക്യൂട്ടീവ് മജിസ്ട്രേറ്റ്, അല്ലെങ്കിൽ നോട്ടറി സാക്ഷ്യപ്പെടുത്തിയിരിയ്ക്കണം).
• നിലവിലെ സ്കൂളിന്റെ പ്രിൻസിപ്പൽ നൽകിയ എൻറോൾമെന്റ് സർട്ടിഫിക്കറ്റ്യും ഫീസ് വിവരങ്ങളും.
• ആധാർ കാർഡ് (വിദ്യാർത്ഥിയുടെ ബാങ്ക് അക്കൗണ്ടുമായി ബന്ധിപ്പിച്ചിരിയ്ക്കണം).
• ബാങ്ക് പാസ്ബുക്ക് പകർപ്പ് അല്ലെങ്കിൽ കാൻസൽ ചെയ്ത ചെക്ക്.
• ട്യൂഷൻ ഫീസ് രസീത്.
• പുതിയ പാസ്പോർട്ട് സൈസ് ഫോട്ടോ.

പ്രധാന നിർദ്ദേശങ്ങൾ

• എല്ലാ അപേക്ഷകളും വിദ്യാർത്ഥിയുടെ സ്കൂൾ അധികൃതർ Verify  ചെയ്യണം.
• പൂരിപ്പിക്കാത്തതോ തെറ്റായ വിവരങ്ങളുള്ളതോ Verify ചെയ്യാത്തതോ ആയ അപേക്ഷകൾ നിരസിക്കപ്പെടും.
• ഒരിക്കൽ സ്കോളർഷിപ്പ് റദ്ദാക്കുകയോ നിർത്തലാക്കുകയോ ചെയ്താൽ, അതിനുശേഷം വീണ്ടും അപേക്ഷിക്കാൻ അവകാശമുണ്ടാകില്ല.

കേരളത്തിലെ ഡിഗ്രി പഠിക്കുന്ന പെൺകുട്ടികൾക്ക് 1 ലക്ഷം രൂപയുടെ സ്കോളർഷിപ് -Kerala Degree Students scholarship

                                

ഇൻഫോസിസ് ഫൗണ്ടേഷൻ STEM സ്റ്റാർസ് സ്കോളർഷിപ്പ് പ്രോഗ്രാം 2025-26

സയൻസ്, ടെക്നോളജി, എഞ്ചിനീയറിംഗ്, മാത്തമാറ്റിക്സ് (STEM) വിഷയങ്ങളിൽ ബിരുദപഠനം നടത്തുന്ന പെൺകുട്ടികൾക്കായി ഇൻഫോസിസ് ഫൗണ്ടേഷൻ അവതരിപ്പിക്കുന്ന ‘STEM സ്റ്റാർസ് സ്കോളർഷിപ്പ് പ്രോഗ്രാം 2025-26’-ന് അപേക്ഷിക്കാം.

സ്കോളർഷിപ്പ് ആനുകൂല്യം

• തെരഞ്ഞെടുക്കപ്പെടുന്ന വിദ്യാർത്ഥികൾക്ക് ഓരോ വർഷവും പരമാവധി ₹1,00,000 വരെ ലഭിക്കും.
• ഈ തുക ട്യൂഷൻ ഫീസ്, താമസച്ചെലവ്, പഠനസാമഗ്രികളുടെ ചെലവ് എന്നിവയ്ക്ക് ഉപയോഗിക്കാം.
• സ്കോളർഷിപ്പ് പൂർണ്ണ കോഴ്സിന്റെ കാലാവധിയിലേക്കാണ് ലഭിക്കുക.

യോഗ്യതാ മാനദണ്ഡങ്ങൾ

• അപേക്ഷകർ ഇന്ത്യൻ പൗരത്വമുള്ള വനിതാ വിദ്യാർത്ഥികൾ ആയിരിക്കണം.
• STEM വിഷയങ്ങളിൽ ബിരുദപഠനം നടത്തുന്നവർ ആയിരിക്കണം.
• NIRF-അംഗീകൃത കോളേജുകൾ/സ്ഥാപനങ്ങളിൽ ഒന്നാം വർഷ ബിരുദ കോഴ്സുകൾ പഠിക്കുന്നവർക്ക് അപേക്ഷിക്കാം.
• B.Arch (2nd Year) അല്ലെങ്കിൽ അഞ്ചുവർഷം ദൈർഘ്യമുള്ള ഇന്റഗ്രേറ്റഡ്/ഡ്യുവൽ ഡിഗ്രി കോഴ്സുകൾ പഠിക്കുന്നവർക്കും അർഹതയുണ്ട്.
• അപേക്ഷകർ പന്ത്രണ്ടാം ക്ലാസ് വിജയിച്ച് തെരഞ്ഞെടുക്കപ്പെട്ട കോളേജുകളിൽ പ്രവേശനം നേടിയിരിക്കണം.
• കുടുംബത്തിന്റെ വാർഷിക വരുമാനം ₹8,00,000-ൽ കുറവോ അതിനോട് തുല്യമോ ആയിരിക്കണം.

അപേക്ഷിക്കേണ്ട വിധം

താഴെ കാണുന്ന 'Click Here' എന്നുള്ള ഭാഗത്ത് ക്ലിക്ക് ചെയ്യൂക 

1. Click Here 

1. ഓൺലൈൻ അപേക്ഷാഫോം പൂരിപ്പിക്കുക.
2. ആവശ്യമായ രേഖകൾ അപ്‌ലോഡ് ചെയ്യുക.
3. അപേക്ഷ സമർപ്പിക്കുക.

അവസാന തീയതി : 2025 ഒക്ടോബർ 30

സെൻട്രൽ സെക്ടർ സ്കോളർഷിപ്പ് 2025-26

സെൻട്രൽ സെക്ടർ സ്കോളർഷിപ്പ് എന്നത് ഇന്ത്യയിലെ മനുഷ്യ വിഭവശേഷി മന്ത്രാലയത്തിന്റെ കീഴിൽ കേന്ദ്ര സർക്കാർ നൽകുന്ന ഒരു നിർദ്ദിഷ്ട ധനസഹായ പദ്ധതിയാണ്. ഉന്നത വിദ്യാഭ്യാസം ലഭിക്കാൻ ആഗ്രഹിക്കുന്നതും അതിന് യോജ്യമായ കഴിവും സാമ്പത്തിക പിന്തുണയുടെ കുറവുമുള്ള വിദ്യാർത്ഥികളെ ലക്ഷ്യമിട്ട് നൽകിയിരിക്കുന്ന ഈ സ്കോളർഷിപ്പ് പദ്ധതിയുടെ പ്രധാന ഉദ്ദേശം, ഉന്നത വിദ്യാഭ്യാസത്തിൽ കൂടുതൽ വിദ്യാർത്ഥികളെ ആകർഷിക്കുകയും വിദ്യാഭ്യാസത്തിൽ ലിംഗസമത്വം ഉറപ്പാക്കുകയും ചെയ്യുന്നതാണ്.

യോഗ്യതാ മാനദണ്ഡങ്ങൾ :

 • ഈ സ്കോളർഷിപ്പ് ബിരുദ (UG) / ബിരുദാനന്തര (PG) പ്രൊഫഷണൽ കോഴ്സുകൾ ചെയ്യുന്ന വിദ്യാർത്ഥികൾക്കാണ് അനുവദിക്കുന്നത്.

 • വിദ്യാർത്ഥികൾ റെഗുലർ മോഡിൽ അംഗീകൃത സ്ഥാപനങ്ങളിൽ പഠനം നടത്തേണ്ടതുണ്ട്.

 • പത്താം ക്ലാസിനുശേഷമുള്ള തുടർച്ചയായ വിദ്യാഭ്യാസം വേണം.

 • അർഹതക്കാർക്ക് മുൻ അധ്യയന വർഷത്തിലെ ഹയർ സെക്കണ്ടറി/പ്ലസ് ടു പരീക്ഷയിൽ കുറഞ്ഞത് 80% മാർക്ക് നേടിയിരിക്കണം (CBSE, ICSE, State Boards എന്നിവയുടെ അടിസ്ഥാനത്തിൽ).

 • അപേക്ഷകന്റെ മാതാപിതാക്കളുടെ വാർഷിക വരുമാനം ₹4.5 ലക്ഷം കവിയാൻ പാടില്ല.

 • വരുമാന സർട്ടിഫിക്കറ്റ് ശരിയായ അധികാരിയിലൂടെ നൽകേണ്ടതുണ്ട്.

സ്കോളർഷിപ്പ് തുക :

 • ബിരുദ പഠനത്തിന് (UG):

 • വാർഷികമായി ₹10,000.

 • ബിരുദാനന്തര പഠനത്തിന് (PG):

 • വാർഷികമായി ₹20,000.

 • പ്രൊഫഷണൽ കോഴ്‌സ് ചെയ്യുന്നവർക്ക്:

 • ആദ്യ മൂന്ന് വർഷങ്ങൾക്ക് ₹1,000 പ്രതിമാസം (അഥവാ ₹12,000 വാർഷികം),

 • അടുത്ത വർഷങ്ങളിൽ ₹2,000 പ്രതിമാസം (അഥവാ ₹24,000 വാർഷികം) അനുവദിക്കും.

അപേക്ഷ ചെയ്യേണ്ട വിധം:

 • സ്കോളർഷിപ്പ് അപേക്ഷ ഓൺലൈൻ മാർഗ്ഗത്തിലൂടെ മാത്രമേ സമർപ്പിക്കാവൂ.

 • കേരള സർക്കാർ വിദ്യാർത്ഥികൾക്കായി ഒരുക്കിയിട്ടുള്ള www.dcescholarship.kerala.gov.in എന്ന വെബ്സൈറ്റ് സന്ദർശിക്കുക.

 • അവിടെ “Central Sector Scholarship” എന്ന ലിങ്ക് ക്ലിക്ക് ചെയ്ത് എല്ലാ ആവശ്യമായ വിവരങ്ങൾ ചേർത്തു അപേക്ഷ സമർപ്പിക്കാം.

പ്രധാന വിവരങ്ങൾ:

 • അപേക്ഷ സമർപ്പിക്കാനുള്ള അവസാന തീയതി: ഒക്ടോബർ 31.

 • പെൺകുട്ടികൾക്ക് പ്രത്യേക സംവരണം: ഈ പദ്ധതിയിൽ ലഭ്യമായ സ്കോളർഷിപ്പിന്റെ 50% പെൺകുട്ടികൾക്കായി മാറ്റിവെച്ചിട്ടുണ്ട്, ഇതിലൂടെ ലിംഗസമത്വം ലക്ഷ്യമിടുന്നു.

പ്രൊഫഷണൽ കോളേജുകളിൽ പഠിക്കുന്ന വിദ്യാർത്ഥികളക്ക് ഓംകാരം സ്‌കോളർഷിപ്പ് 2025 -how to apply,application process

 

ഓംകാരം ഫൗണ്ടേഷൻ നൽകുന്ന ഓംകാരം സ്‌കോളർഷിപ്പ് 2025 എന്നത് പ്രൊഫഷണൽ കോഴ്‌സുകൾ പഠിക്കുന്ന കേരളത്തിലെ വിദ്യാർത്ഥികൾക്കായി ഒരുക്കിയ ഒരു സഹായ പദ്ധതിയാണ്. ഇതിലൂടെ കേരളത്തിലെ വിദ്യാർത്ഥികളുടെ പഠനത്തിനും ഭാവി കരിയറിനും പിന്തുണ നൽകുകയാണ് ഉദ്ദേശ്യം.

തിരഞ്ഞെടുക്കപ്പെടുന്ന വിദ്യാർത്ഥികൾക്ക്, ട്യൂഷൻ ഫീസും പുസ്തകങ്ങൾക്കുള്ള ചെലവും നിറവേറ്റാൻ $700 (ഏകദേശം ₹60,205) വരെ സ്‌കോളർഷിപ്പ് നൽകപ്പെടും.

അപേക്ഷ സമർപ്പിക്കേണ്ട അവസാന തീയതി: 31-ജൂലൈ-2025 

യോഗ്യത 

ഈ സ്കോളർഷിപ്പ് ലഭിക്കാനായി, അപേക്ഷകൻ താഴെ പറയുന്ന കാര്യങ്ങൾ പാലിക്കണം:

• കേരളത്തിൽ താമസിക്കുന്ന ആളായിരിക്കണം
• സംസ്ഥാനത്തെ ഒരു അംഗീകരിച്ച സ്ഥാപനത്തിൽ ചേർന്നിരിക്കണം
• ഒരു പ്രൊഫഷണൽ കോഴ്സിന്റെ ഏതെങ്കിലും വർഷത്തിൽ പഠിക്കുന്ന വിദ്യാർത്ഥിയായിരിക്കണം

സ്കോളർഷിപ്പ് ആനുകൂല്യം:

തിരഞ്ഞെടുക്കുന്ന വിദ്യാർത്ഥികൾക്ക് ട്യൂഷൻ ഫീസിനും പുസ്തക ചെലവുകൾക്കുമായി 700 യുഎസ് ഡോളർ (ഏകദേശം ₹60,205) വരെ സ്കോളർഷിപ്പ് ലഭിക്കും.

അപേക്ഷയ്ക്ക് ആവശ്യമായ രേഖകൾ:

• ഏറ്റവും പുതിയ മാർക്ക്‌ഷീറ്റിന്റെയോ ഗ്രേഡ്‌ഷീറ്റിന്റെയോ പകർപ്പ്
• കുടുംബ വരുമാനം തെളിയിക്കുന്ന ഒരു കത്ത് (വില്ലേജ് ഓഫീസർ അല്ലെങ്കിൽ കോർപ്പറേഷൻ/മുനിസിപ്പാലിറ്റി അധികൃതർ നൽകിയത്)
• ട്യൂഷൻ ഫീസും പുസ്തകച്ചെലവും സംബന്ധിച്ച വിശദമായ രേഖ/പ്രസ്താവന

എങ്ങനെ അപേക്ഷിക്കാം? 

യോഗ്യരായ ഉദ്യോഗാർത്ഥികൾക്ക് സ്കോളർഷിപ്പിന് അപേക്ഷിക്കാൻ ഇനിപ്പറയുന്ന ഘട്ടങ്ങൾ പിന്തുടരാം:- 

അപേക്ഷകൾ https://www.buddy4study.com/scholarship/ohmkaram-scholarship സൈറ്റിൽ കയറി

ഘട്ടം 1: താഴെയുള്ള 'Apply Now' ബട്ടണിൽ ക്ലിക്ക് ചെയ്യുക. 

ഘട്ടം 2: 'Register' ബട്ടണിൽ ക്ലിക്ക് ചെയ്ത് ആവശ്യമായ രജിസ്ട്രേഷൻ വിശദാംശങ്ങൾ പൂരിപ്പിക്കുക (കുറിപ്പ്:- ഇതിനകം രജിസ്റ്റർ ചെയ്തിട്ടുണ്ടെങ്കിൽ, Gmail/മൊബൈൽ നമ്പർ/ഇമെയിൽ ഐഡി ഉപയോഗിച്ച് ലോഗിൻ ചെയ്യുക). 

ഘട്ടം 3: 'Scholarship Application Form' ക്ലിക്ക് ചെയ്യുക. 

ഘട്ടം 4: അപേക്ഷാ ഫോമിൽ ആവശ്യമായ എല്ലാ വിശദാംശങ്ങളും പൂരിപ്പിച്ച്, പ്രിന്റ് ചെയ്ത്, സ്കാൻ ചെയ്ത്, ആവശ്യമായ എല്ലാ രേഖകളും info@ohmkaram.org എന്ന ഇമെയിൽ വിലാസത്തിലേക്ക് അയയ്ക്കുക. 

തിരഞ്ഞെടുപ്പ് മാനദണ്ഡം 

യോഗ്യതാ മാനദണ്ഡങ്ങൾ പാലിക്കുന്നതിന്റെ അടിസ്ഥാനത്തിലാണ് അപേക്ഷകരെ തിരഞ്ഞെടുക്കുന്നത്.

നിയമങ്ങളും നിബന്ധനകളും:

ഫോം പൂരിപ്പിച്ചില്ലെങ്കിലോ, തെറ്റായ വിവരങ്ങളുണ്ടെങ്കിലോ , ഒപ്പില്ലെങ്കിലോ , അത് പരിഗണിക്കുകയില്ല.

ബന്ധപ്പെടാനുള്ള വിലാസം:

ഓംകാരം ഫൗണ്ടേഷൻ

ഒവൻ ബിൽഡിംഗ്, നമ്പർ 5-3-45

അംബേദ്കർ റോഡ്,

സഞ്ജീവ് നഗർ കോളനി, കോരുത്ല

ജഗിത്യാല ജില്ല,

തെലങ്കാന - 505326,

ഇന്ത്യ

പ്രധാന ലിങ്കുകൾ:

Apply online (വെബ്സൈറ്റ് ലിങ്ക്)