കോവിഡ് അനാഥമാക്കിയ കുട്ടികള്‍ക്ക് 10 ലക്ഷത്തിന്റെ കേന്ദ്ര പാക്കേജ്
കൊവിഡ് ബാധിച്ച്‌ മാതാപിതാക്കളെ നഷ്ടപ്പെട്ട കുട്ടികള്‍ക്കായി പ്രത്യേക പാക്കേജ് അവതരിപ്പിച്ച്‌ കേന്ദ്രസര്‍ക്കാര്‍. 10 ലക്ഷം രൂപ പി.എം കെയേഴ്സ് ഫണ്ടില്‍ നിന്നും മാറ്റിവച്ച്‌ 18 വയസ് പൂര്‍ത്തിയാകുമ്പോൾ ഈ തുകയില്‍ നിന്ന് സ്റ്റൈപ്പന്‍ഡ് നല്‍കും. 23ാം വയസില്‍ തുക പൂര്‍ണമായും കുട്ടികള്‍ക്ക് കൈമാറും. സുപ്രീംകോടതി നിര്‍ദേശത്തിന് പിന്നാലെയാണ് കേന്ദ്ര ഇടപെടല്‍.വിവിധ സംസ്ഥാന സര്‍ക്കാരുകള്‍ കൊവിഡ് ബാധിച്ച്‌ മാതാപിതാക്കളെ നഷ്ടപ്പെട്ട കുട്ടികള്‍ക്കായി പാക്കേജുകള്‍ പ്രഖ്യാപിച്ചിരുന്നു.
പാക്കേജ് ഇപ്രകാരം10 വയസിന് താഴെയുള്ള കുട്ടികള്‍ക്ക് വീടിന് അടുത്തുള്ള കേന്ദ്രീയവിദ്യാലയങ്ങളിലോ സ്വകാര്യ സ്കൂളുകളിലോ സൗജന്യ വിദ്യാഭ്യാസം.പതിനൊന്ന് വയസിനും 18 വയസിനും ഇടയിലുള്ള വിദ്യാര്‍ത്ഥികള്‍ക്ക് കേന്ദ്രീയ വിദ്യാലയങ്ങള്‍, സൈനിക്, നവോദയ സ്കൂളുകളില്‍ പ്രവേശനം നല്‍കും.ഫീസ്, യൂണിഫോം, പുസ്തകങ്ങള്‍, നോട്ടുബുക്കുകള്‍ എന്നിവ സൗജന്യമായി നല്‍കും. ആയുഷ്മാന്‍ ഭാരത് പദ്ധതിയില്‍ ഉള്‍പ്പെടുത്തി അഞ്ച് ലക്ഷം രൂപയുടെ ആരോഗ്യ ഇന്‍ഷ്വറന്‍സ്. ഉന്നതവിദ്യാഭ്യാസത്തിനായി വായ്പകള്‍ നല്‍കും. വായ്പ പലിശ കേന്ദ്ര സര്‍ക്കാര്‍ വഹിക്കും.
0 comments: