മെഡിക്കൽ വിദ്യാഭ്യാസ വകുപ്പ് പട്ടികജാതി പട്ടിക വർഗ്ഗ വിഭാഗത്തിലുള്ളവർക്കായി 2021- 22 ൽ നടത്തുന്ന ഡിപ്ലോമ ഇൻ ജനറൽ നഴ്സിംഗ് ആൻഡ് മിഡ് വൈഫറി കോഴ്സിലേക്ക് സ്പോട്ട് അഡ്മിഷൻ നടത്തുന്നു. പ്രവേശനത്തിനായി രാവിലെ 11 ന് തിരുവനന്തപുരം മെഡിക്കൽ വിദ്യാഭ്യാസ കാര്യാലയത്തിൽ എത്തണം. വിവരങ്ങൾക്ക്: www.dme.kerala.gov.in സന്ദർശിക്കുക.
സ്കോളർഷിപ്പിന് അപേക്ഷ ക്ഷണിച്ചു
സംസ്ഥാന സഹകരണ വകുപ്പിന്റെ പൂർണ്ണ നിയന്ത്രണത്തിൽ പ്രവർത്തിക്കുന്ന കേപ്പിന്റെ കീഴിലുള്ള മുട്ടത്തറ, പെരുമൺ, ആറൻമുള, പത്തനാപുരം, കിടങ്ങൂർ, പുന്നപ്ര, വടകര, തലശ്ശേരി, തൃക്കരിപ്പൂർ എൻജിനിയറിങ് കോളേജുകളിൽ 2021-22 അദ്ധ്യായന വർഷത്തേയ്ക്കുള്ള ഇ.കെ. നയനാർ കോ-ഓപ്പറേറ്റീവ് പ്രൊഫഷണൽ എഡ്യൂക്കേഷൻ സ്കോളർഷിപ്പിന് അപേക്ഷ ക്ഷണിച്ചു. ഫെബ്രുവരി 24നകം അതാത് കോളേജുകളിൽ അപേക്ഷ സമർപ്പിക്കണം.പ്ലസ് ടുവിന് 85 ശതമാനത്തിൽ കുറയാതെ മാർക്ക് നേടിയതും കുടുംബ വാർഷിക വരുമാനം രണ്ടു ലക്ഷം രൂപ കവിയാത്തതുമായ നിലവിൽ കേപ്പ് എൻജിനിയറിങ് കോളേജുകളിൽ പഠിച്ചുകൊണ്ടിരിക്കുന്ന എല്ലാ വിദ്യാർത്ഥികൾക്കും സ്കോളർഷിപ്പിന് അർഹതയുണ്ട്.
പാഠങ്ങൾ തീരാത്ത സ്കൂളുകളിൽ വിദ്യാർഥികൾക്ക് അധിക ക്ലാസ്
സമയബന്ധിതമായി പാഠഭാഗങ്ങൾ പഠിപ്പിച്ചു തീരാത്ത വിദ്യാലയങ്ങളിൽ അധിക ക്ലാസ് നൽകണമെന്നു വിദ്യാഭ്യാസമന്ത്രിയുടെ അധ്യക്ഷതയിൽ ചേർന്ന യോഗം നിർദേശിച്ചു. അധ്യാപകരിലെ കോവിഡ്ബാധ മൂലം പഠനം തടസ്സപ്പെടുന്നുണ്ടെങ്കിൽ ദിവസവേതന നിരക്കിൽ താൽക്കാലിക അധ്യാപകരെ നിയമിക്കാം.
എസ്എസ്എല്സി, ഹയര് സെക്കന്ഡറി പരീക്ഷകള്ക്ക് മാറ്റമില്ല; ഒന്പതുവരെയുള്ള ക്ലാസുകള് തിങ്കളാഴ്ച മുതല്
എസ്എസ്എല്സി, ഹയര് സെക്കന്ഡറി പരീക്ഷാ തീയതികളില് മാറ്റമില്ല. മോഡല് പരീക്ഷ നേരത്തെ നിശ്ചയിച്ച പ്രകാരം മാര്ച്ച് 16ന് ആരംഭിക്കും. ഓഫ്ലൈന്, ഓണ്ലൈന് രൂപത്തില് ക്ലാസുകളുണ്ടാകും. പൊതുവിദ്യാഭ്യാസ മന്ത്രി വി ശിവന്കുട്ടിയുടെ അധ്യക്ഷതയില് ചേര്ന്ന ഉന്നതതല യോഗത്തിലാണു തീരുമാനം.സ്കൂള് തുറക്കുന്നതുമായി ബന്ധപ്പെട്ട് പൊതുവിദ്യാഭ്യാസ മന്ത്രിയുടെ അധ്യക്ഷതയില് ഉന്നതതല യോഗം ചേര്ന്നു. ഡി ഡി, ആര് ഡി ഡി, എ ഡി, ഡി ഇ ഒ തലത്തിലെ ഉദ്യോഗസ്ഥര് യോഗത്തില് പങ്കെടുത്തു. ഓണ്ലൈന് യോഗമാണ് ചേര്ന്നത്.
ഇഗ്നോ പിഎച്ച്ഡി പ്രവേശന പരീക്ഷാ തീയതിയും കേന്ദ്ര വിശദാംശങ്ങളും പുറത്തുവിട്ടു
ഇഗ്നോ പിഎച്ച്ഡി പ്രവേശന പരീക്ഷ തീയതികളും കേന്ദ്ര വിശദാംശങ്ങളും പുറത്തുവിട്ടു.നാഷണൽ ടെസ്റ്റിംഗ് ഏജൻസിയാണ് (എൻടിഎ) പുറത്തിറക്കിയത്. പരീക്ഷ ഫെബ്രുവരി 24-ന് നടക്കും. ഇഗ്നോ പ്രവേശന പരീക്ഷാ കേന്ദ്രങ്ങളിലാണ് പരീക്ഷകൾ നടക്കുക.പ്രവേശന പരീക്ഷാ കേന്ദ്രം , അപേക്ഷിക്കുന്ന സമയത്ത് പൂരിപ്പിച്ച കേന്ദ്രങ്ങളുടെ അടിസ്ഥാനത്തിൽ അനുവദിക്കും. വിദ്യാർത്ഥികൾക്ക് ഔദ്യോഗിക വെബ്സൈറ്റ് -ignou.nta.nic.in-ൽ മുൻകൂട്ടിയുള്ള അറിയിപ്പ് സ്ലിപ്പ് പരിശോധിക്കാം.
ഫസ്റ്റ്ബെല്’ ഓഡിയോ ബുക്കുകള് പ്രകാശനം ചെയ്തു
കൈറ്റ് വിക്ടേഴ്സിലൂടെ സംപ്രേഷണം ചെയ്യുന്ന ഫസ്റ്റ്ബെല് ഡിജിറ്റല് ക്ലാസുകളുടെ തുടര്ച്ചയായി പൊതുപരീക്ഷയുള്ള 10, 12 ക്ലാസുകളിലെ റിവിഷന് ഭാഗങ്ങള് പ്രത്യേക ഓഡിയോ ബുക്കുകളുടെ പ്രകാശനം പൊതുവിദ്യാഭ്യാസവകുപ്പു മന്ത്രി വി.ശിവന്കുട്ടി നിര്വഹിച്ചു. പത്താം ക്ലാസിലെ മുഴുവന് വിഷയങ്ങളുടെയും റിവിഷന് ക്ലാസുകള് ആകെ പത്ത് മണിക്കൂറിനുള്ളില് കുട്ടികള്ക്ക് കേള്ക്കാന് കഴിയുന്ന രൂപത്തിലുള്ള ഓഡിയോ ബുക്കുകളാണ് firstbell.kite. kerala.gov.in പോര്ട്ടലില് കേരള ഇന്ഫ്രാസ്ട്രക്ചര് ആന്റ് ടെക്നോളജി ഫോര് എഡ്യൂക്കേഷന് (കൈറ്റ്) ലഭ്യമാക്കിയത്.ഓരോ വിഷയവും ശരാശരി ഒന്നര മണിക്കൂര് ദൈര്ഘ്യമുള്ള പ്ലസ് ടു ക്ലാസുകളുടെ ഓഡിയോ ബുക്കുകളും ഫെബ്രുവരി 21 മുതല് ലഭ്യമായിത്തുടങ്ങും.
പോസ്റ്റ് ഗ്രാജ്വേറ്റ് ഡിപ്ലോമ ഇന് ബിസിനസ് അനലറ്റിക്സിന് അപേക്ഷിക്കാം
കൊല്ക്കത്ത ഇന്ത്യന് ഇന്സ്റ്റിറ്റ്യൂട്ട് ഓഫ് മാനേജ്മെന്റ് (ഐ.ഐ.എം.), കൊല്ക്കത്ത ഇന്ത്യന് സ്റ്റാറ്റിസ്റ്റിക്കല് ഇന്സ്റ്റിറ്റ്യൂട്ട് (ഐ.എസ്.ഐ.),ഖരഗ്പുര് ഇന്ത്യന് ഇന്സ്റ്റിറ്റ്യൂട്ട് ഓഫ് ടെക്നോളജി (ഐ.ഐ. ടി.) എന്നിവ ചേര്ന്നു നടത്തുന്ന രണ്ടുവര്ഷ ഫുള്ടൈം റെസിഡന്ഷ്യല് പോസ്റ്റ് ഗ്രാജ്വേറ്റ് ഡിപ്ലോമ ഇന് ബിസിനസ് അനലറ്റിക്സി (പി.ജി.ഡി.ബി.എ.) ന് അപേക്ഷിക്കാം.വിദ്യാര്ഥികള് മൂന്നുസ്ഥാപനങ്ങളിലും ആറുമാസംവീതം ചെലവഴിക്കണം.കംപ്യൂട്ടര് അധിഷ്ഠിത പ്രവേശനപരീക്ഷ മാര്ച്ച് 27ന് നടക്കും. അപേക്ഷ www.pgdba.iitkgp.ac.in/ വഴി ഫെബ്രുവരി 15 വരെ നല്കാം.
ഇന്നത്തെ യൂണിവേഴ്സിറ്റി അറിയിപ്പുകൾ
പ്രാക്ടിക്കല്, പ്രോജക്ട്, വൈവ വോസി
കേരളസര്വകലാശാല 2022 ജനുവരിയില് നടത്തിയ മൂന്നും നാലും സെമസ്റ്റര് ബി.എസ്സി. കമ്പ്യൂട്ടര് സയന്സ്/ബി.സി.എ. (എസ്.ഡി.ഇ. 2019 അഡ്മിഷന് – റെഗുലര്, 2018 & 2017 അഡ്മിഷന് ഇംപ്രൂവ്മെന്റ്/സപ്ലിമെന്ററി) പരീക്ഷയുടെ പ്രാക്ടിക്കല്, പ്രോജക്ട്, വൈവ വോസി പരീക്ഷകള് ഫെബ്രുവരി 21 മുതല് കാര്യവട്ടം ക്യാമ്പസില് പ്രവര്ത്തിക്കുന്ന വിദൂരവിദ്യാഭ്യാസകേന്ദ്രത്തില് വച്ച് നടത്തുന്നതാണ്. വിശദവിവരങ്ങള് വെബ്സൈറ്റില്.
സൂക്ഷ്മപരിശോധന
കേരളസര്വകലാശാല 2021 സെപ്റ്റംബറില് നടത്തിയ എട്ടാം സെമസ്റ്റര് ബി.എ./ബി.കോം./ബി.ബി.എ. ഇന്റഗ്രേറ്റഡ് എല്.എല്.ബി. പരീക്ഷയുടെ സൂക്ഷ്മപരിശോധനയ്ക്ക് അപേക്ഷ സമര്പ്പിച്ചിട്ടുളള വിദ്യാര്ത്ഥികള് ഫോട്ടോ പതിച്ച തിരിച്ചറിയല് കാര്ഡും പ്രസ്തുത പരീക്ഷയുടെ ഹാള്ടിക്കറ്റുമായി 2022 ഫെബ്രുവരി 14, 15, 16 തീയതികളില് എത്തിച്ചേരേണ്ടതാണ്.
എംജി സർവകലാശാല
പ്രാക്ടിക്കൽ / വൈവാ വോസി
2021 മാർച്ചിൽ നടന്ന ഒന്ന് മുതൽ നാല് വരെ സെമസ്റ്റർ ബി.സി.എ. (അദാലത്ത്-സ്പെഷ്യൽ മേഴ്സി ചാൻസ് 2018, മറ്റ് യു.ജി. കോഴ്സുകൾ) പരീക്ഷയുടെ പ്രാക്ടിക്കൽ / പ്രോജക്ട് / വൈവാ പരീക്ഷകൾ മാർച്ച് മൂന്നിന് എസ്.എ.എസ്. എസ്.എൻ.ഡി.പി. യോഗം കോളേജിൽ നടക്കും. വിശദവിവരങ്ങൾ സർവ്വകലാശാല വെബ്സൈറ്റിൽ.
പരീക്ഷാ ഫലം
2021 ഒക്ടോബർ, നവംബർ, ഡിസംബർ മാസങ്ങളിൽ നടന്ന ഒന്ന്, രണ്ട്, മൂന്ന്, നാല് ‘സെമസ്റ്റർ പഞ്ചവത്സര ബി.ബി.എ. – എൽ.എൽ.ബി. (ഓണേഴ്സ്) (2016, 2017 അഡ്മിഷൻ, 2016 ന് മുൻപുള്ള അഡ്മിഷനുകൾ) പരീക്ഷയുടെ ഫലം പ്രഖ്യാപിച്ചു. പുനർമൂല്യനിർണ്ണയത്തിനും സൂക്ഷ്മപരിശോധനയ്ക്കുമുള്ള അപേക്ഷകൾ യഥാക്രമം 370 രൂപ, 160 രൂപ നിരക്കിലുള്ള ഫീസ് സഹിതം ഫെബ്രുവരി 25 വരെ പരീക്ഷാകൺട്രോളറുടെ കാര്യാലയത്തിൽ സ്വീകരിക്കും.
2020 നവംബറിൽ നടന്ന മൂന്ന്, നാല് സെമസ്റ്റർ എം.എ. മലയാളം, എം.എ. അറബിക് (റെഗുലർ / സപ്ലിമെന്ററി / അദാലത്ത് സ്പെഷ്യൽ മേഴ്സി ചാൻസ് – 2018) പ്രൈവറ്റ് രജിസ്ട്രേഷൻ പരീക്ഷയുടെ ഫലം പ്രസിദ്ധീകരിച്ചു. 2015 അഡ്മിഷൻ മുതലുള്ളവർക്ക് പുനർമൂല്യനിർണയത്തിനും സൂക്ഷ്മപരിശോധനയ്ക്കും യഥാക്രമം 370 രൂപ, 160 രൂപ നിരക്കിൽ ഫീസടച്ച് ഫെബ്രുവരി 26 വരെ ഓൺലൈനായി അപേക്ഷിക്കാം. 2015 അഡ്മിഷന് മുൻപുള്ളവർ നിശ്ചിത ഫീസടച്ച് അപേക്ഷ ഫെബ്രുവരി 26 നകം പരീക്ഷാ കൺട്രോളറുടെ കാര്യാലയത്തിൽ നേരിട്ടോ തപാൽ മുഖേനയോ ലഭ്യമാക്കണം
കാലിക്കറ്റ് സർവകലാശാല
ഒറ്റത്തവണ റഗുലര് സപ്ലിമെന്ററി പരീക്ഷ
സര്വകലാശാലാ ടീച്ചര് എഡ്യുക്കേഷന് സെന്ററുകളിലെയും അഫിലിയേറ്റഡ് ട്രെയ്നിംഗ് കോളേജുകളിലെയും 2017 പ്രവേശനം ഒന്നാം സെമസ്റ്റര് ബി.എഡ്. എല്ലാ അവസരങ്ങളും നഷ്ടപ്പെട്ടവര്ക്കായി ഏപ്രില് 2022 ഒറ്റത്തവണ റഗുലര് സപ്ലിമെന്ററി പരീക്ഷക്ക് അപേക്ഷ ക്ഷണിച്ചു. 26-ന് മുമ്പായി ഓണ്ലൈന് അപേക്ഷ സമര്പ്പിച്ച് 31-ന് മുമ്പായി അപേക്ഷയുടെ പകര്പ്പും അനുബന്ധ രേഖകളും സര്വകലാശാലയില് സമര്പ്പിക്കണം.
പരീക്ഷാ ഫലം
ഒന്നാം സെമസ്റ്റര് എം.എ. പോസ്റ്റ് അഫ്സലുല് ഉലമ, ഫിലോസഫി നവംബര് 2020 പരീക്ഷയുടെ ഫലം പ്രസിദ്ധീകരിച്ചു. പുനര്മൂല്യനിര്ണയത്തിന് യഥാക്രമം 23, 25 തീയതികള് വരെ അപേക്ഷിക്കാം.
പ്രീവിയസ് ഇയര്, ഒന്ന്, രണ്ട് സെമസ്റ്റര് എം.എ. ഫിലോസഫി മെയ് 2020 റഗുലര്, സപ്ലിമെന്ററി, ഇംപ്രൂവ്മെന്റ് പരീക്ഷകളുടെ ഫലം പ്രസിദ്ധീകരിച്ചു. പുനര്മൂല്യനിര്ണയത്തിന് 25 വരെ അപേക്ഷിക്കാം.
പരീക്ഷ
ഇന്റഗ്രേറ്റഡ് ബി.പി.എഡ്. ഏപ്രില് 2021 മൂന്നാം വര്ഷ റഗുലര്, സപ്ലിമെന്ററി പരീക്ഷകളും ബി.പി.എഡ്. രണ്ടാം സെമസ്റ്റര് ഏപ്രില് 2021 റഗുലര്, സപ്ലിമെന്ററി പരീക്ഷകളും 22-നും തുടങ്ങും.
ബി.എച്ച്.എം. ഏപ്രില് 2021 മൂന്നാം വര്ഷ റഗുലര്, സപ്ലിമെന്ററി പരീക്ഷകള് 22-നും ഒന്നാം വര്ഷ റഗുലര്, സപ്ലിമെന്ററി പരീക്ഷകള് 23-നും തുടങ്ങും.
ഗവണ്മെന്റ് ഫൈന് ആര്ട്സ് കോളേജിലെ ഒന്നാം വര്ഷ ബി.എഫ്.എ., ബി.എഫ്.എ. ഇന് ആര്ട് ഹിസ്റ്ററി ആന്റ് വിഷ്വല് സ്റ്റഡീസ് ഏപ്രില് 2021 പരീക്ഷകള് 22-ന് തുടങ്ങും.
രണ്ടാം സെമസ്റ്റര് എം.എസ് സി. റേഡിയേഷന് ഫിസിക്സ് ജൂലൈ 2021 റഗുലര്, സപ്ലിമെന്ററി, ഇംപ്രൂവ്മെന്റ് പരീക്ഷകള് 22-ന് തുടങ്ങും.
പി.എച്ച്.ഡി. റാങ്ക്ലിസ്റ്റ് – അഭിമുഖം
കാലിക്കറ്റ് സര്വകലാശാലാ ചരിത്ര പഠന വിഭാഗം പി.എച്ച്.ഡി. റാങ്ക്ലിസ്റ്റ് തയ്യാറാക്കുന്നതിനുള്ള അഭിമുഖം 18, 21 തീയതികളില് നടക്കും. വിദ്യാര്ത്ഥികള് രാവിലെ 10 മണിക്ക് പഠനവിഭാഗത്തില് ഹാജരാകണം. മെമ്മോ ഇ-മെയില് ചെയ്തിട്ടുണ്ട്.
കോവിഡ് സ്പെഷ്യല് പരീക്ഷാ പട്ടിക
ഒന്നാം സെമസ്റ്റര് എം.സി.എ., എം.സി.എ. ലാറ്ററല് എന്ട്രി ഏപ്രില് 2020 കോവിഡ് സ്പെഷ്യല്പരീക്ഷക്ക് യോഗ്യരായവരുടെ പട്ടിക വെബ്സൈറ്റില് പ്രസിദ്ധീകരിച്ചു. പരീക്ഷ ഏപ്രില് 2021 സപ്ലിമെന്ററി പരീക്ഷകള്ക്കൊപ്പം 14-ന് തുടങ്ങും.
കണ്ണൂർ സർവകലാശാല
വാചാ പരീക്ഷ
രണ്ടാം വര്ഷ വിദൂര വിദ്യാഭ്യാസ എം. എസ് സി. മാത്തമാറ്റിക്സ് ഡിഗ്രി റഗുലര്/ സപ്ലിമെന്ററി/ ഇംപ്രൂവ്മെന്റ്, ജൂണ് 2021 വാചാ പരീക്ഷ 16.02.2022 തീയതിയിൽ താവക്കര ക്യാംപസിലെ ഹ്യൂമൺ റിസോഴ്സ് ഡിവെലപ്പ്മെന്റ് സെന്ററിൽ വച്ചു നടക്കും. ടൈംടേബിള് വെബ്സൈറ്റിൽ ലഭ്യമാണ്.
0 comments: