തിരുവനന്തപുരം: പരീക്ഷ പരിഷ്കരണ കമീഷന്‍, സംസ്ഥാനത്തെ സര്‍വകലാശാലകള്‍ക്ക് കീഴിലെ ബിരുദ കോഴ്സില്‍ എഴുത്തുപരീക്ഷക്ക് 80 ശതമാനവും ഇന്‍റേണലിന് 20 ശതമാനവും പാലിച്ചുള്ള മൂല്യനിര്‍ണയമാണ് മാറ്റാന്‍ ശിപാര്‍ശ ചെയ്തത്. ഇത് 60:40 അനുപാതത്തിലേക്ക് മാറ്റുകയാണ്. ഇത് മാറുന്നതുവഴിയുണ്ടാകാവുന്ന പ്രശ്നങ്ങള്‍ക്കുള്ള പരിഹാരവും കമീഷന്‍ മുന്നോട്ടുവെക്കുന്നു.
40 ശതമാനം വരുന്ന ഇന്‍റേണല്‍ മാർക്ക് അസസ്മെന്‍റിന്‍റെ 50 ശതമാനം മാര്‍ക്ക് എഴുത്തുപരീക്ഷയുടെ അടിസ്ഥാനത്തിലായിരിക്കണം. കൂടാതെ ക്ലാസ് റൂം ഹാജര്‍ ഇന്‍റേണല്‍ അസസ്മെന്‍റിന് പരിഗണിക്കരുത്. മാത്രമല്ല സെമസ്റ്റര്‍ പരീക്ഷയുടെ രണ്ടാഴ്ച മുമ്ബെങ്കിലും ഇന്‍റേണല്‍ മാര്‍ക്ക് പ്രസിദ്ധീകരിക്കണം. അതുപോലെ ഇന്‍റേണല്‍ അസസ്മെന്‍റുമായി ബന്ധപ്പെട്ട രേഖകള്‍ ആറ് മാസത്തില്‍ കുറയാത്ത കാലയളവില്‍ സൂക്ഷിക്കുകയും പരിശോധനക്കായി സര്‍വകലാശാലക്ക് ലഭ്യമാക്കുകയും വേണം. ഇപ്രകാരം കോളജുകളിലെ ഇന്‍റേണല്‍ അസസ്മെന്‍റ് രീതി പരിശോധിക്കാന്‍ സര്‍വകലാശാലകളില്‍ സംവിധാനം വേണം.
കൂടാതെ പരാതികള്‍ പരിഹരിക്കാന്‍ സര്‍വകലാശാല ത്രിതല സംവിധാനം വേണം. എന്നാൽ ഇത് ഡിപ്പാര്‍ട്മെന്‍റ് തലത്തില്‍ വകുപ്പ് മേധാവിയുടെ നേതൃത്വത്തിലും കോളജ്തലത്തില്‍ പ്രിന്‍സിപ്പലിന്‍റെ നേതൃത്വത്തിലും സര്‍വകലാശാലതലത്തില്‍ സിന്‍ഡിക്കേറ്റ് പരീക്ഷ സമിതി കണ്‍വീനറുടെ നേതൃത്വത്തിലുമായിരിക്കണം. കൂടാതെ സിന്‍ഡിക്കേറ്റിലെ വിദ്യാര്‍ഥി പ്രതിനിധി/ യൂനിവേഴ്സിറ്റി യൂനിയന്‍ ചെയര്‍പേഴ്സണ്‍, പരീക്ഷ കണ്‍ട്രോളര്‍ എന്നിവരും സര്‍വകലാശാലതല സമിതിയില്‍ അംഗങ്ങളായിരിക്കണം.
ഇതിലൂടെ 10 ദിവസത്തിനകം പരാതി തീര്‍പ്പാക്കണം. ഇങ്ങനെ ത്രിതല സമിതിയുടെ തീര്‍പ്പ് ഉള്‍പ്പെടെ 30 ദിവസത്തിനകമുണ്ടാകണം. കൂടാതെ ചോദ്യപേപ്പറിന്‍റെ നിലവാരം ഉറപ്പാക്കാന്‍ സര്‍വകലാശാല പരിശോധന സംവിധാനം നടപ്പാക്കണം. എം.ജി സര്‍വകലാശാല പി.വി.സി സി.ടി. അരവിന്ദ് കുമാര്‍ ചെയര്‍മാനായ കമീഷനില്‍ കേരള സര്‍വകലാശാല രജിസ്ട്രാര്‍ ഡോ.കെ.എസ്. അനില്‍കുമാര്‍, സാങ്കേതിക സര്‍വകലാശാല രജിസ്ട്രാര്‍ ഡോ.എ. പ്രവീണ്‍, കാലിക്കറ്റ് സര്‍വകലാശാല മുന്‍ രജിസ്ട്രാര്‍ ഡോ. സി.എല്‍. ജോഷി എന്നിവരാണ് അംഗങ്ങൾ.
0 comments: