KEAM 2022 അപേക്ഷാ തിയ്യതി നീട്ടി
കേരള എൻജിനിയറിങ്, ആർക്കിടെക്ചർ, ഫാർമസി കോഴ്‌സുകളിലേക്കും എം.ബി.ബി.എസ്., ബി.ഡി.എസ്., ബി.എ.എം.എസ്., ബി.എച്ച്.എം.എസ്., ബി.എസ്.എം.എസ്., ബി.യു.എം.എസ്. എന്നീ മെഡിക്കൽ കോഴ്‌സുകളിലേക്കും അഗ്രിക്കൾച്ചർ, ഫോറസ്ട്രി, വെറ്ററിനറി, ഫിഷറീസ് തുടങ്ങിയ മെഡിക്കൽ അനുബന്ധ കോഴ്‌സുകളിലേക്കും www.cee.kerala.gov.in വഴി മേയ് 10-ന് വൈകീട്ട് അഞ്ച് വരെ അപേക്ഷിക്കാം.
പാഠപുസ്തക വിതരണം സ്‌കൂള്‍ തുറക്കുന്നതിന് മുമ്പേ പൂര്‍ത്തിയാക്കും
ജൂണ്‍ ഒന്നിന് സ്‌കൂളുകള്‍ തുറക്കുന്നതിനു മുമ്പ് മുഴുവന്‍ പാഠ പുസ്തകങ്ങളും വിദ്യാര്‍ഥികളുടെ കൈകളിലെത്തുമെന്ന് പൊതുവിദ്യാഭ്യാസ മന്ത്രി വി. ശിവന്‍കുട്ടി.സ്‌കൂളുകളിലെ ഉച്ചഭക്ഷണം മെച്ചപ്പെടുത്തുമെന്നും സ്‌കൂളുകള്‍ക്കുള്ള യൂണിഫോം വിതരണത്തിന്റെ ഉദ്ഘാടനം വെള്ളിയാഴ്ച കോഴിക്കോട്ട് നടക്കുമെന്നും മന്ത്രി വ്യക്തമാക്കി.
എസ്എസ്എൽസി പരീക്ഷാ ഫലം ജൂൺ 15ന് മുമ്പ് പ്രഖ്യാപിക്കും; അറിയിപ്പ് നൽകി വിദ്യാഭ്യാസ വകുപ്പ് മന്ത്രി വി.ശിവൻകുട്ടി
വിദ്യാർത്ഥികൾ കാത്തിരുന്ന എസ്എസ്എല്‍സി പരീക്ഷാഫലം ജൂണ്‍ 15 ന് മുമ്പ് പ്രഖ്യാപിക്കുമെന്ന് വിദ്യാഭ്യാസമന്ത്രി വി ശിവന്‍കുട്ടി അറിയിച്ചു. അതോടൊപ്പം പ്ലസ്ടു കെമിസ്ടി പരീക്ഷാ മൂല്യനിർണ്ണയത്തിനുള്ള പുതിയ ഉത്തര സൂചികയിൽ അപാകതയില്ലെന്നും മന്ത്രി വ്യക്തമാക്കി. വിദ്യാർത്ഥികളും രക്ഷിതാക്കളും ആശങ്കപ്പെടേണ്ടതില്ല. ശരിയുത്തരമെഴുതിയ എല്ലാ പരീക്ഷാർത്ഥികൾക്കും മാർക്ക് ഉറപ്പാക്കും. എന്നാൽ വെറുതെ വാരിക്കോരി മാർക്ക് നൽകുന്നത് സർക്കാരിന്‍റെ നയമല്ലെന്നും മന്ത്രി വിശദീകരിച്ചു
എൽ.ബി.എസ് കമ്പ്യൂട്ടർ കോഴ്സ് പ്രവേശനം
എൽ.ബി.എസ്. സെന്റർ ഫോർ സയൻസ് ആന്റ് ടെക്നോളജിയുടെ പാമ്പാടി ഉപകേന്ദ്രത്തിൽ മേയ് 11 ന് ആരംഭിക്കുന്ന ഇന്റഗ്രേറ്റഡ് ഡിപ്ലോമ ഇൻ കമ്പ്യൂട്ടർ ഹാർഡ് വെയർ മെയിന്റനൻസ് ആന്റ് നെറ്റ് വർക്കിംഗ് കോഴ്സിൽ പ്രവേശനത്തിന് ഓൺ ലൈൻ അപേക്ഷ ക്ഷണിച്ചു. യോഗ്യത എസ്.എസ്.എൽ.സി.എസ്.സി, എസ്.റ്റി. മറ്റ് സംവരണ വിഭാഗക്കാർക്ക് നിയമാനുസൃത ഫീസാനുകൂല്യം ലഭിക്കും. വിശദ വിവരത്തിന് www.lbscentre.kerala.gov.in എന്ന വെബ്സൈറ്റ് സന്ദർശിക്കുക. ഫോൺ: 0481 2505900, 9895041706
കെ.മാറ്റ് സൗജന്യ പരിശീലനം
കേരള ഇൻസ്റ്റിറ്റ്യൂട്ട് ഓഫ് ടൂറിസം ആൻഡ് ട്രാവൽ സ്റ്റഡീസ് (കിറ്റ്‌സ്) 2022 ലെ കെ.മാറ്റ് പ്രവേശന പരീക്ഷയ്ക്ക് ഓൺലൈനായി സൗജന്യ പരിശീലനം നൽകും. വിശദവിവരങ്ങൾക്ക്: 9446068080.
അസാപ് കേരളയും കൊച്ചിൻ ഷിപ്പ് യാർഡും തമ്മിൽ ധാരണാപത്രം ഒപ്പുവെച്ചു
അഡീഷണൽ സ്‌കിൽ അക്വിസിഷൻ പ്രോഗ്രാം (അസാപ്) കേരളയും കൊച്ചിൻ ഷിപ്പ്യാർഡ് ലിമിറ്റഡും (സിഎസ്എൽ) മറൈൻ മേഖലയിൽ നൈപുണ്യ കോഴ്സുകൾ ആരംഭിക്കുന്നതിന് ധാരണാപത്രം ഒപ്പുവെച്ചു. ഐ.ടി.ഐ വിദ്യാർഥികൾക്ക് കപ്പൽനിർമ്മാണം, കപ്പൽ അറ്റകുറ്റപണി, മറൈൻ എൻജിനിയറിംഗ് തുടങ്ങിയ മേഖലകളിൽ കോഴ്സുകൾ വികസിപ്പിക്കാനും. ഷിപ്പ് യാർഡിൽ അപ്രന്റീസ്ഷിപ്പും ഒരു വർഷത്തെ കരാർ ജോലിയും വിദ്യാർഥികൾക്ക് ലഭിക്കത്തക്ക രീതിയിലാണ് കോഴ്സുകൾ ക്രമീകരിക്കുക.
ഗുലാത്തി ഇൻസ്റ്റിറ്റ്യൂട്ട് ജി.എസ്.ടി കോഴ്‌സിന് അപേക്ഷ ക്ഷണിച്ചു
കേരള സർക്കാർ സ്ഥാപനമായ ഗുലാത്തി ഇൻസ്റ്റിറ്റ്യൂട്ട് ഓഫ് ഫിനാൻസ് ആൻഡ് ടാക്‌സേഷൻ പോസ്റ്റ് ഗ്രാജ്വേറ്റ് ഡിപ്ലോമ ഇൻ ജി.എസ്.ടി കോഴ്‌സിന് അപേക്ഷ ക്ഷണിച്ചു. മേയ് 31 നകം അപേക്ഷ നൽകണം. അംഗീക്യത സർവ്വകലാശാല ബിരുദമാണ് യോഗ്യത.വിശദാംശങ്ങൾ: www.gift.res.in ൽ ലഭ്യമാണ്. ഹെൽപ്പ്‌ലൈൻ നമ്പർ: 9961708951, 04712593960
0 comments: