സെൻട്രൽ ബ്യൂറോ ഓഫ് ഇൻവെസ്റ്റിഗേഷൻ ഫോറൻസിക് എക്സ്പർട്ട് ഒഴിവുകളിലേക്ക് ഉദ്യോഗാർത്ഥികളിൽ നിന്ന് അപേക്ഷ ക്ഷണിച്ചു. കരാർ അടിസ്ഥാനത്തിലായിരിക്കും നിയമനം. 65 വയസ്സാണ് പ്രായപരിധി. ശമ്പളം പ്രതിമാസം 80000. അപേക്ഷിക്കാനുള്ള അവസാന തീയതി ഓഗസ്റ്റ് 2 ൽ നിന്ന് 17 ലേക്ക് ദീർഘിപ്പിച്ചിട്ടുണ്ട്.
തസ്തികയുടെ പേര് - ഫോറൻസിക് എക്സ്പർട്ട്
പ്രായപരിധി - 65 വയസ്സ്
പ്രതിമാസ ശമ്പളം - 80000
അപേക്ഷകൻ കമ്പ്യൂട്ടർ സയൻസ്/ഇലക്‌ട്രോണിക്‌സ്, കമ്മ്യൂണിക്കേഷൻസ്/ഐടി/അല്ലെങ്കിൽ അനുബന്ധ വിഷയങ്ങളിൽ തത്തുല്യമായ ബിഇ/ബി-ടെക് ബിരുദമോ അല്ലെങ്കിൽ സമാന മേഖലയിൽ ബിരുദാനന്തര ബിരുദം നേടിയവരോ അല്ലെങ്കിൽ എംഎസ്‌സി കമ്പ്യൂട്ടർ ഫോറൻസിക്‌സ്/കമ്പ്യൂട്ടർ സയൻസ്/ഐടി/ഫിസിക്‌സ്/ഗണിതമോ ഉള്ളവരായിരിക്കണം. ആകെ രണ്ട് ഒഴിവുകളാണുള്ളത്. ഒരു വർഷമായിരിക്കും കരാറിന്റെ കാലാവധി. ഉദ്യോഗാർത്ഥിയുടെ പെർഫോമൻസിന്റെ അടിസ്ഥാനത്തിൽ കരാർ കാലാവധി ദീർഘിപ്പിക്കുന്നതായിരിക്കും. ഔദ്യോഗിക വിജ്ഞാപനത്തിൽ അപേക്ഷ നടപടികളെക്കുറിച്ച് വിശദാംശങ്ങളറിയാം.
0 comments: