എൽഐസിയുടെ സുവർണ ജൂബിലി സ്കോളർഷിപ്പ്: സാമ്പത്തിക പിന്നാക്ക വിഭാഗം വിദ്യാർത്ഥികൾക്ക് വലിയൊരു സാധ്യത

ലൈഫ് ഇൻഷുറൻസ് കോർപ്പറേഷൻ ഓഫ് ഇന്ത്യ (എൽഐസി) സുവർണ ജൂബിലി സ്കോളർഷിപ്പ് സ്കീം 2024 എന്ന ഉദ്യമം ആരംഭിച്ചിരിക്കുകയാണ്. ഈ സ്കീമിന്‍റെ പ്രധാന ലക്ഷ്യം സാമ്പത്തികമായി പിന്നോക്കം നിൽക്കുന്ന വിദ്യാർത്ഥികൾക്ക് ഉന്നത വിദ്യാഭ്യാസം ലഭ്യമാക്കുന്നതും തൊഴിൽ സാധ്യതകൾ മെച്ചപ്പെടുത്തുന്നതുമായാണ്.

അപേക്ഷിക്കാവുന്ന വിദ്യാർത്ഥികൾ ആര്‍ക്കെല്ലാം?

സർക്കാർ അല്ലെങ്കിൽ സ്വകാര്യ സർവകലാശാലകളിൽ (Government/Private Universities) പഠിക്കുന്ന വിദ്യാർത്ഥികൾക്ക് അപേക്ഷിക്കാം.
ഇൻഡസ്ട്രിയൽ ട്രെയിനിങ് സ്ഥാപനങ്ങളിലും (ITI) എൻസിവിടി (NCVT)-യുമായി ബന്ധമുള്ള ഇൻഡസ്ട്രിയൽ ട്രെയിനിങ് കേന്ദ്രങ്ങളിലും പരിശീലനം നേടുന്നവർക്ക് അർഹതയുണ്ട്.
12-ാം ക്ലാസിന് ശേഷം ലഭ്യമായ ടെക്നിക്കൽ, വൊക്കേഷണൽ കോഴ്‌സുകൾ ചെയ്യുകയും ഇന്റഗ്രേറ്റഡ് ഡിഗ്രികൾ പിന്തുടരുകയും ചെയ്യുന്ന വിദ്യാർത്ഥികളും ഈ സ്കോളർഷിപ്പിന് അർഹരാണ്.

സ്കോളർഷിപ്പിന്റെ രണ്ടു വിഭാഗങ്ങൾ

ജനറൽ സ്കോളർഷിപ്പ്: മുഴുവൻ വിദ്യാർത്ഥികൾക്കായുള്ള സ്കീം.
പെൺകുട്ടികൾക്കായുള്ള പ്രത്യേക സ്കോളർഷിപ്പ്: പെൺകുട്ടികളുടെ വിദ്യാഭ്യാസ പ്രോത്സാഹനത്തിനായി പ്രത്യേകം തയ്യാറാക്കിയ സ്കീം.

സ്കോളർഷിപ്പിന് അപേക്ഷിക്കുന്നതിനുള്ള യോഗ്യതകൾ

1. പന്ത്രണ്ടാം ക്ലാസ് പൂർത്തിയാക്കിയവർക്ക്:

2021-22, 2022-23, അല്ലെങ്കിൽ 2023-24 അധ്യയന വർഷങ്ങളിൽ കുറഞ്ഞത് 60% മാർക്കുകൾ അല്ലെങ്കിൽ തത്തുല്യമായ സിജിപിഎയോടുകൂടിയ പന്ത്രണ്ടാം ക്ലാസ് (അല്ലെങ്കിൽ തത്തുല്യം) വിജയിച്ചിരിക്കണം. അപേക്ഷകർ 2024-25 അധ്യയന വർഷത്തിൽ സർക്കാർ അംഗീകൃത സ്ഥാപനങ്ങൾ വഴി മെഡിസിൻ, എഞ്ചിനീയറിംഗ്, ബിരുദം, ഡിപ്ലോമ, അല്ലെങ്കിൽ വൊക്കേഷണൽ കോഴ്‌സുകളുടെ ഒന്നാം വർഷത്തിലേക്ക് പ്രവേശനം നേടിയിരിക്കണം. കൂടാതെ, മാതാപിതാക്കളുടെയോ രക്ഷിതാക്കളുടെയോ വാർഷിക വരുമാനം 2.5 ലക്ഷത്തിനു താഴെയായിരിക്കണം.

2. പത്താം ക്ലാസ് പൂർത്തിയാക്കിയവർക്ക്:

പത്താം ക്ലാസ് (അല്ലെങ്കിൽ തത്തുല്യം) 2021-22, 2022-23, അല്ലെങ്കിൽ 2023-24 അധ്യയന വർഷങ്ങളിൽ കുറഞ്ഞത് 60% മാർക്കുകൾ അല്ലെങ്കിൽ തത്തുല്യ സിജിപിഎയോടെ വിജയിച്ചിരിക്കണം. 2024-25 അധ്യയന വർഷത്തിൽ അംഗീകൃത സ്ഥാപനങ്ങളിൽ നിന്ന് വൊക്കേഷണൽ അല്ലെങ്കിൽ ഡിപ്ലോമ കോഴ്‌സുകളുടെ ഒന്നാം വർഷത്തിലേക്ക് പ്രവേശനം നേടിയിരിക്കണം. അപേക്ഷകരുടെ മാതാപിതാക്കളുടെയോ രക്ഷിതാക്കളുടെയോ വാർഷിക വരുമാനം 2.5 ലക്ഷത്തിനു മുകളിലാകരുത്.

3. പെൺകുട്ടികൾക്കുള്ള പ്രത്യേക സ്കോളർഷിപ്പ്:

നിശ്ചിത അധ്യയന വർഷങ്ങളിൽ കുറഞ്ഞത് 60% മാർക്കുകൾ അല്ലെങ്കിൽ തത്തുല്യമായ സിജിപിഎയോടെ പത്താം ക്ലാസ് (അല്ലെങ്കിൽ തത്തുല്യം) വിജയിച്ചിരിക്കണം. 2024-25 അധ്യയന വർഷത്തിൽ അംഗീകൃത സ്ഥാപനങ്ങളിൽ നിന്ന് 10+2 (ഇന്റർമീഡിയറ്റ്), വൊക്കേഷണൽ, അല്ലെങ്കിൽ ഡിപ്ലോമ കോഴ്‌സുകളുടെ രണ്ടുവർഷ തിട്ടക്കുള്ള ഒന്നാം വർഷത്തിൽ പ്രവേശനം നേടിയിരിക്കണം. അപേക്ഷകരുടെ മാതാപിതാക്കളുടെയോ രക്ഷിതാക്കളുടെയോ വാർഷിക വരുമാനം 2.5 ലക്ഷത്തിനെ കവിയരുത്.

സ്കോളർഷിപ്പ് കാലാവധി & തുകകൾ

ജനറൽ സ്കോളർഷിപ്പ്

1. കോഴ്‌സ് കാലയളവ്: സ്‌കോളർഷിപ്പ് കോഴ്‌സിന്റെ മുഴുവൻ കാലയളവിലും ലഭ്യമാകും.

2. തുക:

മെഡിക്കൽ കോഴ്‌സുകൾ (എംബിബിഎസ്, ബിഎഎംഎസ്, ബിഡിഎസ്, ബിഎച്ച്എംഎസ്):

40,000 രൂപ പ്രതിവർഷം
2 തവണകളായി 20,000 രൂപ വീതം

എഞ്ചിനീയറിംഗ് കോഴ്‌സുകൾ (ബിഎ ബിടെക്, ബിആർക്):

30,000 രൂപ പ്രതിവർഷം
2 തവണകളായി 15,000 രൂപ വീതം

മറ്റ് കോഴ്‌സുകൾ (ബിരുദം, ഇൻ്റഗ്രേറ്റഡ് കോഴ്സുകൾ, ഡിപ്ലോമ, ഐടിഐ):

20,000 രൂപ പ്രതിവർഷം
2 തവണകളായി 10,000 രൂപ വീതം

പെൺകുട്ടികൾക്കുള്ള പ്രത്യേക സ്കോളർഷിപ്പ്

1. കോഴ്‌സ് കാലയളവ്: 2 വർഷം

2. തുക:

ഇന്റർമീഡിയറ്റ്, വൊക്കേഷണൽ കോഴ്‌സുകൾ, ഡിപ്ലോമ കോഴ്‌സുകൾ പഠിക്കുന്ന പെൺകുട്ടികൾക്ക്:

15,000 രൂപ പ്രതിവർഷം
2 തവണകളായി 7,500 രൂപ വീതം

Note: സ്‌കോളർഷിപ്പ് തുക ശരിയായ യോഗ്യത നിർവഹിക്കുകയും കോഴ്‌സ് തുടർന്നുകൊണ്ടിരിക്കുകയും ചെയ്‌താൽ മാത്രം ലഭിക്കും:

അപേക്ഷ സമർപ്പണം

അപേക്ഷ സമർപ്പിക്കാനുള്ള അവസാന തീയതി 22 ഡിസംബർ, 2024ആണെന്ന് എൽഐസി അറിയിച്ചിട്ടുണ്ട് .

സ്കോളർഷിപ്പിന് https://licindia.in ലിങ്ക് വഴി ഓൺലൈനായി അപേക്ഷിക്കാം. അപേക്ഷകർക്ക് ആവശ്യമുള്ള വിവരങ്ങൾ പൂർണ്ണമായി പൂരിപ്പിച്ച ശേഷം ഓൺലൈൻ രീതിയിലാണ് അപേക്ഷ സമർപ്പിക്കേണ്ടത്. ഓൺലൈൻ അപേക്ഷ സമർപ്പിച്ചതിന് ശേഷം, തിരഞ്ഞെടുക്കലുമായി ബന്ധപ്പെട്ട വിവരങ്ങൾ അപേക്ഷയിൽ നൽകുന്ന ഇ-മെയിൽ വിലാസത്തിലേക്ക് അയക്കും. തിരഞ്ഞെടുക്കപ്പെട്ടവർക്കാണ് എത്രയും പെട്ടെന്ന് മറുപടി ലഭിക്കുക. നിശ്ചിത മാനദണ്ഡങ്ങൾ പാലിക്കുന്ന എല്ലാ അനുയോജ്യരായ അപേക്ഷകരും ഈ സ്കോളർഷിപ്പിന് അപേക്ഷിച്ച് ഉന്നതവിദ്യാഭ്യാസത്തിന് ആധാരമാകാവുന്നതാണ്.