2021-22 വര്ഷത്തെ സ്പെഷ്യാലിറ്റി നഴ്സിങ് പോസ്റ്റ് ബേസിക് ഡിപ്ലോമ പ്രവേശനത്തിന് അപേക്ഷിക്കാം തിരുവനന്തപുരം, കോട്ടയം, കണ്ണൂര് ഗവണ്മെന്റ് നഴ്സിങ് കോളജുകളില്.
അപേക്ഷഫീസ് പൊതുവിഭാഗത്തിന് 800 രൂപ. പട്ടികജാതി/വര്ഗ വിഭാഗത്തിന് 400 രൂപ. കേരളത്തിലെ ഏതെങ്കിലും ഫെഡറല് ബാങ്കിന്റെ ശാഖയിലൂടെയോ അപേക്ഷഫീസ് ഓണ്ലൈനായോ വെബ്സൈറ്റിലൂടെ ലഭിക്കുന്ന ചലാന് ഫോറം ഉപയോഗിച്ച് അടക്കാം. പ്രവേശനം കേരളീയര്ക്കാണ്.യോഗ്യത: ഫിസിക്സ്, ബയോളജി ഐശ്ചിക വിഷയമായി പ്ലസ് ടു പരീക്ഷ പാസായിരിക്കണം. കൂടാതെ നഴ്സിങ് കൗണ്സില് അംഗീകരിച്ച ജനറല് നഴ്സിങ് ആന്ഡ് മിഡ്വൈഫറി (GNM) 50 ശതമാനം മാര്ക്കോടെ പാസായിരിക്കണം അല്ലെങ്കില് പോസ്റ്റ് ബേസിക് ബി.എസ്സി നഴ്സിങ്/ബി.എസ്സി നഴ്സിങ് വിജയിച്ചിരിക്കണം. നഴ്സിങ് കൗണ്സില് രജിസ്ട്രേഷന് സര്ട്ടിഫിക്കറ്റ് ഹാജരാക്കണം. പ്രായപരിധി: 45 വയസ്സ്. സര്വിസ് ക്വാട്ടയിലേക്ക് 49 വയസ്സുവരെയാകാം.
ഓണ്ലൈനായി ഇപ്പോള് അപേക്ഷ സമര്പ്പിക്കാം. നവംബര് 6വരെ അപേക്ഷ സ്വീകരിക്കും. വിവിധ ഘട്ടങ്ങളായാണ് അപേക്ഷ പൂര്ത്തീകരിക്കേണ്ടത്. ഇതിനുള്ള നിര്ദേശങ്ങള് വിജ്ഞാപനത്തിലുണ്ട്.റാങ്ക് ലിസ്റ്റ് സെലക്ഷന്: എല്.ബി.എസ് ഡയറക്ടര് തിരുവനന്തപുരത്ത് നടത്തുന്ന പൊതുപ്രവേശന പരീക്ഷയുടെയും അനുബന്ധമായി നടത്തുന്ന നഴ്സിങ് സ്കില് ടെസ്റ്റിന്റെയും അടിസ്ഥാനത്തില് തയാറാക്കും. റാങ്ക് ലിസ്റ്റിലുള്ളവര്ക്ക് കോളജ് ഓപ്ഷന് രജിസ്റ്റര് ചെയ്യാം. പ്രവേശനം നിശ്ചിത തീയതിയില് തിരുവനന്തപുരത്ത് മെഡിക്കല് എജുക്കേഷന് ഡയറക്ടറുടെ മേല്നോട്ടത്തില് നടത്തുന്ന കേന്ദ്രീകൃത അലോട്ട്മെന്റ് വഴിയാണ് .
ആകെ 84 സീറ്റുകളാണുള്ളത് ഉള്ളത് നഴ്സിങ് കോളജുകളിലായി വിവിധ സ്പെഷ്യാലിറ്റികളില് . അതത് കോളജില് ലഭ്യമായ സ്പെഷ്യാലിറ്റികളും സീറ്റുകളും പ്രാസ്പെക്ടസിലുണ്ട്.
12 മാസമാണ് കോഴ്സിന്റെ ദൈര്ഘ്യം. വാര്ഷിക ട്യൂഷന് 11,030 രൂപയാണ് ഫീസ്. പ്രതിമാസം 7000 രൂപ വീതം സ്റ്റൈപ്പന്റ് പഠിതാക്കള്ക്ക് ലഭിക്കും.
.jpg)
0 comments: