2022, ഫെബ്രുവരി 16, ബുധനാഴ്‌ച

നിങ്ങളറിയാതെ മറ്റാരെങ്കിലും നിങ്ങളുടെ വൈ-ഫൈ ഉപയോഗിക്കുന്നുണ്ടോ? വൈഫൈ മോഷ്ടിക്കുന്നുണ്ടോ എന്നറിയാൻ എന്താണ് വഴി?

 നിങ്ങളുടെ വൈഫൈ (Wi-Fi )അനുവാദമില്ലാതെ മറ്റാരെങ്കിലും ഉപയോഗിക്കുന്നുണ്ടോ? റീ ചാർജ് ചെയ്തിട്ടും വൈഫൈ സ്ലോ ആകുന്നതിന്റെ ഒരു കാരണം ഒരുപക്ഷേ ഇതായിരിക്കാം. അങ്ങനെ വൈഫൈ മോഷ്ടിക്കപ്പെടുമോ? വൈഫൈ മോഷ്ടിക്കുന്നുണ്ടോ എന്നറിയാൻ എന്താണ് വഴി?വൈഫൈ മോഷണം നടക്കുന്നുണ്ടോ എന്നറിയാൻ വഴിയുണ്ട്, അതെന്താണെന്ന് നോക്കാം

💥നിങ്ങളുടെ നെറ്റ്‌വർക്കിലേക്ക് കണക്റ്റുചെയ്‌തിരിക്കുന്ന ഉപകരണത്തിൽ, ഒരു വെബ് ബ്രൗസർ തുറന്ന് ഈ വിലാസങ്ങൾ പരീക്ഷിക്കുക: 192.168.0.1 അല്ലെങ്കിൽ 192.168.1.1 അല്ലെങ്കിൽ 192.168.2.1, അവയിലൊന്ന് നിങ്ങളുടെ റൂട്ടറിലേക്ക് ലോഗിൻ ചെയ്യാൻ ഒരു ഇന്റർഫേസ് തുറക്കും.

 💥ഇവയൊന്നും പ്രവർത്തിക്കുന്നില്ലെങ്കിൽ, നിങ്ങളുടെ ലാപ്‌ടോപ്പിൽ കമാൻഡ് പ്രോംപ്റ്റ് തുറന്ന് ipcofig /all എന്ന് ടൈപ്പ് ചെയ്ത് എന്റർ അമർത്തുക. ഡിഫോൾട്ട് ഗേറ്റ്‌വേ ഓപ്ഷന്റെ അരികിൽ എഴുതിയിരിക്കുന്ന വിലാസം നിങ്ങളുടെ റൂട്ടറിന്റെ വിലാസമാണ്.

💥ഇനി നിങ്ങളുടെ യൂസർ നെയിമും പാസ്‌വേഡും നൽകുക. റൂട്ടർ പാസ്‌വേഡ് എന്താണെന്ന്അറിയില്ലെങ്കിൽ, നിങ്ങളുടെ Wi-Fi റൂട്ടറിലെ സ്റ്റിക്കറുകൾ പരിശോധിക്കുക അല്ലെങ്കിൽ നിങ്ങളുടെ ISP-യോട് ചോദിക്കുക. ഇനി നിങ്ങളുടെ റൂട്ടർ പാസ്‌വേഡ് അറിയാൻ കഴിഞ്ഞില്ലെങ്കിലും ആരെങ്കിലും നിങ്ങളുടെ വൈഫൈ മോഷ്ടിക്കുന്നുണ്ടോ എന്ന് അറിയാനാകും.

💥ലോഗിൻ ചെയ്‌തുകഴിഞ്ഞാൽ, നിങ്ങളുടെ ‘വൈഫൈ ക്ലയന്റ്‌സ് ലിസ്‌റ്റ്” അല്ലെങ്കിൽ “കണക്‌റ്റുചെയ്‌ത ഉപകരണങ്ങൾ” കണ്ടെത്താൻ നാവിഗേറ്റ് ചെയ്‌ത് പരിചയമില്ലാത്ത ഏതെങ്കിലും കണക്ഷൻ ഉണ്ടോയെന്ന് നോക്കുക.

💥ഇതികൂടാതെ കമാൻഡ് പ്രോംപ്റ്റ് തുറന്ന് arp -a എന്ന് ടൈപ്പ് ചെയ്ത് എന്റർ അമർത്തി നിങ്ങളുടെ കണക്ഷനുകൾ പരിശോധിക്കാം.നിങ്ങളുടെ വൈഫൈ സുരക്ഷിതമാണോ എന്ന് ഉറപ്പു വരുത്താം

💥ഇത്രയും ചെയ്തു കഴിഞ്ഞാൽ, ഇനി പറയുന്ന കാര്യങ്ങളിലൂടെ നിങ്ങളുടെ വയർലെസ് കണക്ഷൻ സുരക്ഷിതമാക്കുകയും നേരത്തേ ബന്ധിപ്പിച്ച ഉപകരണങ്ങൾ നീക്കം ചെയ്യുകയും ചെയ്യുക

💥WPA2 സുരക്ഷ എനാബിൾ ചെയ്യുക

💥റൂട്ടർ കൺട്രോൾ ഡാഷ് ബോർഡ് യൂസർ നെയിമും പാസ് വേഡും നൽകി ലോഗിൻ ചെയ്ത ശേഷം WPA2 സെക്യൂരിറ്റ് എനാബിൾ ചെയ്യുക

💥ശക്തമായ പാസ് വേർഡ് നൽകുക

💥നിങ്ങളുടെ വൈഫൈ കണക്ഷന് സുരക്ഷിതമായ പാസ് വേർഡ് നൽകുക. റൂട്ടർ കൺട്രോൾ ഡാഷ്ബോർഡിൽ പോയി പാസ് വേർഡ് മാറ്റാവുന്നതാണ്. പാസ് വേർഡ് മാറ്റ് റീബൂട്ട് ചെയ്തുകഴിഞ്ഞാൽ നേരത്തേ കണക്ട് ചെയ്ത ഡിവൈസുകളെല്ലാം ഡിസ് കണക്ട് ആകും.


0 comments: