കേരള എന്‍ജിനീയറിങ്/ ഫാര്‍മസി പ്രവേശന പരീക്ഷയുടെ സ്കോര്‍ പ്രവേശന പരീക്ഷ കമീഷണറുടെ www.cee.kerala.gov.in എന്ന വെബ്സൈറ്റില്‍ പ്രസിദ്ധീകരിച്ചു.കാന്‍ഡിഡേറ്റ് പോര്‍ട്ടല്‍ വഴി സ്കോര്‍ പരിശോധിക്കാം. പിഴവ് കാരണം പേപ്പര്‍ ഒന്ന് പരീക്ഷയില്‍ ഫിസിക്സ് പാര്‍ട്ടില്‍നിന്ന് വന്ന മൂന്നു ചോദ്യങ്ങള്‍ റദ്ദാക്കിയിട്ടുണ്ട്. ആദ്യം പ്രസിദ്ധീകരിച്ച സൂചികയില്‍നിന്ന് വ്യത്യസ്തമായി പേപ്പര്‍ ഒന്നിലെ നാലു ചോദ്യങ്ങളുടെ ഉത്തരങ്ങളില്‍ തിരുത്തലും വരുത്തി.
പ്രവേശന പരീക്ഷയില്‍ ലഭിച്ച സ്കോറും യോഗ്യത പരീക്ഷയില്‍ (പ്ലസ് ടു/ തത്തുല്യം) മാത്സ്, ഫിസിക്സ്, കെമിസ്ട്രി എന്നിവക്ക് ലഭിച്ച മാര്‍ക്കും ഒന്നിച്ചും 50:50 അനുപാതത്തില്‍ പരിഗണിച്ച്‌ നടത്തുന്ന സ്റ്റാന്‍ഡേഡൈസേഷന്‍ പ്രക്രിയക്ക് ശേഷമാണ് എന്‍ജിനീയറിങ് റാങ്ക് പട്ടിക തയാറാക്കുക. പ്രവേശന പരീക്ഷയുടെ പേപ്പര്‍ ഒന്നിലെ (ഫിസിക്സ്, കെമിസ്ട്രി) സ്കോറും അതുപ്രകാരമുള്ള ഇന്‍ഡക്സ് മാര്‍ക്കും പരിഗണിച്ചായിരിക്കും ബി.ഫാം റാങ്ക് പട്ടിക.റാങ്ക് പട്ടികകള്‍ പിന്നീട് പ്രസിദ്ധീകരിക്കും. അപേക്ഷ പിഴവ് പരിഹരിക്കാന്‍ രേഖകള്‍ സമര്‍പ്പിക്കാത്ത വിദ്യാര്‍ഥികളുടെ സ്കോര്‍ തടഞ്ഞുവെച്ചിട്ടുണ്ട്. ഹെല്‍പ്ലൈന്‍ നമ്പര്‍: 0471 2525300.
0 comments: