കനത്ത മഴയാണ് കഴിഞ്ഞ കുറച്ചുദിവസങ്ങളായി സംസ്ഥാനത്തിന്റെ പല ഭാഗത്തും പെയ്യുന്നത് . വീണ്ടും മഴ പെയ്യുമെന്നും മുന്നറിയിപ്പുകളുമുണ്ട്.മഴക്കാലമാകുന്നതോടെ മഴ പെയ്ത് നനഞ്ഞു കിടക്കുന്ന റോഡില് വണ്ടിയോടിക്കുമ്പോള് അപകടങ്ങളും പതിവാണ്.ലോക്ക് ഡൌണിലാണ് സംസ്ഥാനം. എങ്കിലും അത്യാവശ്യ കാര്യങ്ങള്ക്കായി യാത്ര ചെയ്യുന്നവരും ഉണ്ട്. മഴ പെയ്ത് നനഞ്ഞു കിടക്കുന്ന റോഡില് വണ്ടിയോടിക്കുമ്പോള് ശ്രദ്ധിക്കേണ്ട ചില കാര്യങ്ങള് ഇതാ
- പരമാവധി ഇരു കൈകളും ഉപയോഗിച്ച് മഴക്കാലത്തു ഡ്രൈവിംഗ് ചെയ്യാൻ ശ്രദ്ധിക്കുക.
- റോഡും ടയറുകളും തമ്മിലുള്ള ഘര്ഷണം കൂട്ടാൻ വാഹനങ്ങളുടെ വേഗത കുറച്ച് ഓടിക്കുക.
- മറ്റു വാഹനങ്ങളുമായി കൃത്യമായ അകലം പാലിച്ചു ഡ്രൈവിംഗ് ചെയ്യുക.
- വളവുകളില് ഡ്രൈവിംഗ് ചെയ്യുമ്പോൾ സാവധാനത്തില് ബ്രേക്ക് ഉപയോഗിക്കുക...
- നനഞ്ഞ റോഡുകളില് കൂടുതല് ബ്രേക്ക് ആവശ്യമായതിനാല് ഉണങ്ങിയ റോഡുകളേക്കാള് മുമ്പേ ബ്രേക്കമര്ത്തുക.
- ഡ്രൈവിംഗ് ചെയുമ്പോൾ വളവുകളില് വെച്ച് പെട്ടെന്ന് സ്റ്റിയറിങ് തിരിക്കാതിരിക്കുക...
- മാസത്തിലൊരിക്കലെങ്കിലും ടയര്, ബ്രേക്ക്, ഓയില് മുതലായവപരിശോധിച്ച് ഫിറ്റ്നസ് ഉറപ്പുവരുത്തുക.
- ടയറിന്റെ മര്ദ്ദം, ത്രഡുകള് എന്നിവ കൃത്യമായി പരിശോധിച്ചു സുരക്ഷിതത്വം ഉറപ്പാക്കുക.
- വാഹനം വെട്ടുന്നതും തെന്നിമാറുന്നതും ഒഴിവാക്കാൻ ബ്രേക്ക് പെട്ടെന്ന് പ്രയോഗിക്കുന്നത് ഒഴിവാക്കുക.
- അപകടങ്ങളൊഴിവാക്കാനുള്ള ഏറ്റവും വലിയ മാര്ഗം നനഞ്ഞ റോഡുകളില് ഡ്രൈവിംഗ് ചെയ്യുമ്പോൾ കൂടുതല് ശ്രദ്ധിക്കുക എന്നതാണ്.
0 comments: