2021-22 അധ്യയന വർഷത്തെ ഹയർസെക്കൻഡറി വൊക്കേഷണൽ ഹയർസെക്കൻഡറി വിഭാഗങ്ങളുടെ ഒന്നാംവർഷ പ്രവേശനത്തിനുള്ള ഓൺലൈൻ അപേക്ഷ ഓഗസ്റ്റ് 24 മുതൽ സമർപ്പിക്കാം. ട്രയല്‍ സെപ്റ്റംബര്‍ ഏഴിനും ആദ്യ അലോട്ട്മെന്റ് 13നും പ്രസിദ്ധീകരിക്കും.
സര്‍ക്കാര്‍ ഹയര്‍സെക്കന്‍ഡറി സ്കൂളുകളിലെ മുഴുവന്‍ സീറ്റും എയ്ഡഡ് സ്കൂളുകളിലെ മാനേ ജ്മെന്‍റ്/ കമ്യൂണിറ്റി ക്വോട്ട സീറ്റുകള്‍ ഒഴികെയുള്ളവയുമാണ് സര്‍ക്കാര്‍ ഏകജാലക പ്രവേശന പരിധിയില്‍ വരുന്നത്. മാനേജ്മെന്‍റ്, കമ്യൂണിറ്റി ക്വോട്ട പ്രവേശനത്തിന് അതത് സ്കൂളുകളില്‍ അപേക്ഷിക്കണം. മുന്‍വര്‍ഷങ്ങളില്‍നിന്ന് ഭേദഗതികളോടെയാണ് ഇത്തവണ പ്രോസ്പെക്ടസ്.
മാറ്റങ്ങള്‍
- പ്ലസ് വണ്‍ പ്രവേശനത്തിന് ബോണസ് പോയന്‍റിന് മുന്‍ വര്‍ഷങ്ങളില്‍ പരിധിയില്ലായിരുന്നു. ഇത്തവണ എത്ര ബോണസ് പോയന്‍റ് ഉണ്ടായാലും പരാമവധി പത്ത് വരെയായി നിജപ്പെടുത്തി.
- നീന്തല്‍ യോഗ്യത തെളിയിക്കാന്‍ ജില്ല സ്പോര്‍ട്സ് കൗണ്‍സില്‍ സര്‍ട്ടിഫിക്കറ്റ് വേണം.
- എ ഗ്രേഡുള്ള ലിറ്റില്‍ കൈറ്റ്സ് അംഗങ്ങള്‍ക്ക് ഇ വര്‍ഷം മുതല്‍ ഒരു ബോണസ് പോയന്‍റ് ലഭിക്കും.
- ന്യൂനപക്ഷ/ പിന്നാക്ക ഇതര എയ്ഡഡ് സ്കൂളുകളില്‍ മാ നേജ്മെന്‍റ് ക്വോട്ടയില്‍ നികത്തിയിരുന്ന 30 ശതമാനം സീറ്റുകള്‍ ഇത്തവണ മുതല്‍ 20 ശതമാനം മാനേജ്മെന്‍റ് ക്വോട്ട, പത്ത് ശതമാനം ബന്ധപ്പെട്ട കമ്യൂണിറ്റി ക്വോട്ട എന്ന രീതിയിലാണ് പ്രവേശനം. കമ്യൂണിറ്റി ക്വോട്ടയിലേക്ക് സ്കൂള്‍ മാനേജ്മെന്‍റ് സമുദായത്തിലെ കുട്ടികള്‍ക്ക് മെറിറ്റടിസ്ഥാനത്തിലാണ് പ്രവേശനം.
പ്രവേശന യോഗ്യത
എസ്.എസ്.എല്‍.സി (കേരള സിലബസ്), സി.ബി.എസ്.ഇ, ഐ .സി.എസ്.ഇ, ടി.എച്ച്‌.എസ്.എല്‍.സി വിജയികള്‍ക്കും തത്തുല്യ പരീക്ഷ വിജയിച്ചവര്‍ക്കും അപേക്ഷിക്കാം. പൊതുപരീക്ഷയിലെ ഒരോ പേപ്പറിനും കുറഞ്ഞത് ഡി പ്ലസ് ഗ്രേഡോ തത്തുല്യ മാര്‍ക്കോ വാങ്ങി ഉപരിപഠന യോഗ്യത നേടിയിരിക്കണം. ഗ്രേഡിങ് രീതിയിലുള്ള മൂല്യനിര്‍ണയം നിലവിലില്ലാത്ത മറ്റ് സ്കീമുകളില്‍ പരീക്ഷയെഴുതിയവരുടെയും മാര്‍ക്കുകള്‍ ഗ്രേഡാക്കി മാറ്റിയശേഷമായിരിക്കും പരിഗണിക്കുക.
2021 ജൂണ്‍ ഒന്നിന് 15 വയസ്സ് പൂര്‍ത്തിയാകണം. 20 വയസ്സ് കവിയരുത്.കേരളത്തിലെ പൊതുപരീക്ഷ ബോര്‍ഡില്‍നിന്ന് എസ്.എസ്.എല്‍.സി വിജയിക്കുന്നവര്‍ക്ക് കുറഞ്ഞ പ്രായപരിധിയില്ല. മറ്റ് ബോര്‍ഡുകളുടെ പരീക്ഷകള്‍ വിജയിച്ചവര്‍ക്ക് കുറഞ്ഞ പ്രായപരിധിയിലും ഉയര്‍ന്ന പ്രായപരിധിയിലും ആറ് മാസം വരെ ഇളവിന് പൊതുവിദ്യാഭ്യാസ ഡയറക്ടര്‍ക്ക് അധികാരമുണ്ട്.പട്ടിക ജാതിപട്ടികവര്‍ഗ വിഭാഗ അപേക്ഷകര്‍ക്ക് ഉയര്‍ന്ന പ്രായപരിധിയില്‍ രണ്ട് വര്‍ഷംവരെ ഇളവ് അനുവദിക്കും. അന്ധരോ ബധിരരോ ബുദ്ധിപരമായി വെല്ലുവിളി നേരിടുന്നവരോ ആയവര്‍ക്ക് 25 വയസ്സുവരെ അപേക്ഷിക്കാം.
എങ്ങനെ അപേക്ഷ സമർപ്പിക്കാം
www.admission.dge.kerala.gov.inലെ 'Click for Higher Secondary Admission' എന്നതിലൂടെ ഹയര്‍സെക്കന്‍ഡറി പ്രവേശന പോര്‍ട്ടലില്‍ പ്രവേശിച്ച്‌ CREATE CANDIDATE LOGIN-SWS എന്ന ലിങ്കിലൂടെ കാന്‍ഡിഡേറ്റ് ലോഗിന്‍ സൃഷ്ടിക്കണം.
- മൊബൈല്‍ ഒ.ടി.പിയിലൂടെ സുരക്ഷിത പാസ്വേഡ് നല്‍കി സൃഷ്ടിക്കുന്ന കാന്‍ഡിഡേറ്റ് ലോഗിനിലൂടെ ആയിരിക്കും അപേക്ഷ സമര്‍പ്പണവും തുടര്‍ പ്രവേശന പ്രവര്‍ത്തനങ്ങളും നടത്തേണ്ടത്. അപേക്ഷ സമര്‍പ്പണം, പരിശോധന, ട്രയല്‍ അലോട്ട്മെന്റ്, ഒാപ്ഷന്‍ പുനഃക്രമീകരണം, അലോട്ട്മെന്റ് പരിശോധന, രേഖ സമര്‍പ്പണം, ഫീസ് ഒടുക്കല്‍ തുടങ്ങിയ പ്രവര്‍ത്തനങ്ങള്‍ക്ക് കാന്‍ഡിഡേറ്റ് ലോഗിന്‍ അനിവാര്യമാണ്.
- കാന്‍ഡിഡേറ്റ് ലോഗിനിലെ APPLY ONLINE എന്ന ലിങ്കിലൂടെ അപേക്ഷകര്‍ക്ക് സ്വന്തമായി അപേക്ഷ സമര്‍പ്പിക്കാം.
- പത്താംതരം പഠന സ്കീം 'others' വിഭാഗത്തില്‍ വരുന്നവര്‍ മാര്‍ക്ക് ലിസ്റ്റ്/ സര്‍ട്ടിഫിക്കറ്റ്, തുല്യത സര്‍ട്ടിഫിക്കറ്റ് എന്നിവയുടെ സ്കാന്‍ ചെയ്ത പകര്‍പ്പ് (100 കെ.ബിയില്‍ കവിയാത്ത പി.ഡി.എഫ് ഫോര്‍മാറ്റില്‍) അപേക്ഷയോടൊപ്പം അപ്ലോഡ് ചെയ്യണം.
- ഭിന്നശേഷി വിഭാഗത്തില്‍ പ്രത്യേക പരിഗണനക്ക് അര്‍ഹരായവര്‍ മെഡിക്കല്‍ ബോര്‍ഡ് സര്‍ട്ടിഫിക്കറ്റ് സ്കാന്‍ ചെയ്ത കോപ്പി (100 കെ.ബി/ പി.ഡി.എഫ്) അപ്ലോഡ് ചെയ്യണം.
- അപേക്ഷ സമര്‍പ്പിക്കാന്‍ ഉദ്ദേശിക്കുന്ന ജില്ല, യോഗ്യതാ പരീക്ഷ സ്കീം, രജിസ്റ്റര്‍ നമ്ബര്‍, മാസം, വര്‍ഷം, ജനനതീയതി, മൊബൈല്‍ നമ്പർ എന്നിവ നല്‍കിയശേഷം 'Application Submission Mode' (സ്വന്തമായോ/ സ്കൂള്‍ സഹായക കേന്ദ്രം/ മറ്റ് രീതി) തെരഞ്ഞെടുത്ത് സെക്യൂരിറ്റി ക്യാപ്ച ടൈപ്പ് ചെയ്ത് സബ്മിറ്റ് ചെയ്യണം. ഇതിനുശേഷം ഓൺലൈൻ അപേക്ഷ ആദ്യഭാഗം ദൃശ്യമാകും. ഇവിടെ അപേക്ഷാര്‍ഥിയുടെ പൊതുവിവരങ്ങള്‍ നല്‍കണം.
- അപേക്ഷകന്‍റ ജാതി, കാറ്റഗറി, താമസിക്കുന്ന പഞ്ചായത്ത്, താലൂക്ക്, എന്‍.സി.സി/ സ്കൗട്ട് പ്രാതിനിധ്യം, പത്താം ക്ലാസ് പഠിച്ച സ്കൂള്‍ തുടങ്ങിയ വിവരങ്ങള്‍ രേഖപ്പെടുത്തണം. പൊതുവിവരങ്ങള്‍ സബ്മിറ്റ് ചെയ്താല്‍ ഗ്രേഡ് പോയന്‍റ് രേഖപ്പെടുത്താനുള്ള പേജ് ദൃശ്യമാകും. ഗ്രേഡ് പോയന്‍റ് നല്‍കിയാല്‍ ഒപ്ഷന്‍ നല്‍കുന്ന പേജിലെത്തും.
പഠിക്കാന്‍ ആഗ്രഹിക്കുന്ന സ്കൂളും ആ സ്കൂളിലെ ഒരു വിഷയ കോംബിനേഷനും ചേരുന്നതാണ് ഒരു ഒപ്ഷന്‍. അപേക്ഷകര്‍ പഠിക്കാന്‍ ഏറ്റവും ഇഷ്ടപ്പെടുന്ന സ്കൂളും കോംബിനേഷനും ആദ്യ ഒപ്ഷനായി നല്‍കണം. ആദ്യ ഒപ്ഷന്‍ ലഭിച്ചില്ലെങ്കില്‍ പിന്നീട് പരിഗണിക്കേണ്ട സ്കൂളും കോംബിനേഷനും രണ്ടാമത്തെ ഒപ്ഷനായി നല്‍കണം. പ്രവേശനസാധ്യത മനസ്സിലാക്കാന്‍ കഴിഞ്ഞ വര്‍ഷത്തെ അവസാന റാങ്ക് വിവരങ്ങള്‍ വെബ്സൈറ്റി (www.hscap.kerala.gov.in) ലുണ്ട്. സമര്‍പ്പിച്ച ഏതെങ്കിലും ഒപ്ഷനില്‍ അലോട്ട്മെന്റ് ലഭിച്ചാല്‍ ശേഷം ഒപ്ഷനുകള്‍ റദ്ദാകും. മുകളിലുള്ള ഒാപ്ഷനുകള്‍ (ഹയര്‍ ഒപ്ഷന്‍) നിലനില്‍ക്കും.
ഒപ്ഷനുകള്‍ നല്‍കി സബ്മിറ്റ് ചെയ്താല്‍ അപേക്ഷയുടെ മൊത്തം വിവരങ്ങള്‍ പരിശോധനക്ക് ലഭിക്കും. ആവശ്യമെങ്കില്‍ തിരുത്തലുകള്‍ വരുത്തി ഫൈനല്‍ കണ്‍ഫര്‍മേഷന്‍ നല്‍കി സമര്‍പ്പണം പൂര്‍ത്തിയാക്കണം.
ഒരു റവന്യൂ ജില്ലയില്‍ ഒന്നില്‍ കൂടുതല്‍ അപേക്ഷകള്‍ മെറിറ്റ് സീറ്റിലേക്ക് സമര്‍പ്പിക്കരുത്. ഒന്നിലധികം ജില്ലയില്‍ പ്രവേശനം തേടുന്നവര്‍ ഒാരോ ജില്ലയിലേക്കും പ്രത്യേകം അപേക്ഷിക്കണം. അപേക്ഷ പ്രിന്‍റൗട്ട് മുന്‍വര്‍ഷങ്ങളിലെ പോലെ വെരിഫിക്കേഷനായി സ്കൂളുകളില്‍ നല്‍കേണ്ട. അപേക്ഷാ ഫീസ് 25 രൂപ പ്രവേശന സമയത്തെ ഫീസിനൊപ്പം നല്‍കിയാല്‍ മതി.
അപേക്ഷ സ്കൂള്‍ വഴിയും
അപേക്ഷകര്‍ക്ക് സ്വന്തമായോ പത്താംതരം പഠിച്ച ഹൈസ്കൂളിലെ കമ്ബ്യൂട്ടര്‍ ലാബ് സൗകര്യവും അധ്യാപകരുടെ സഹായവും ഉപയോഗിച്ചാ അപേക്ഷ സമര്‍പ്പിക്കാം. പുറമെ പ്രദേശത്തെ സര്‍ക്കാര്‍/ എയ്ഡഡ് സ്കൂളിലെ കമ്ബ്യൂട്ടര്‍ ലാബ് സൗകര്യവും ഉപയോഗിക്കാം.
പ്രവേശന സമയക്രമം
അപേക്ഷ സമര്‍പ്പണം ആഗസ്റ്റ് 24 മുതല്‍ സെപ്റ്റംബര്‍ മൂന്നുവരെ, ട്രയല്‍ സെപ്റ്റംബര്‍ ഏഴ് , ആദ്യ അലോട്ട്മെന്റ് സെപ്റ്റംബര്‍ 13, മുഖ്യ അലോട്ട്മെന്റ് (രണ്ടാം അലോട്ട്മെന്റ്) അവസാനിക്കുന്നത് സെപ്റ്റംബര്‍ 29, സപ്ലിമെന്‍ററി അലോട്ട്മെന്റ് ഘട്ടം ഒക്ടോബര്‍ ആറ് മുതല്‍ നവംബര്‍ 15 വരെ. ക്ലാസ് തുടങ്ങുന്നത് -സര്‍ക്കാര്‍ തീരുമാനത്തിനനുസരിച്ച്‌.
പ്രധാന തീയതികൾ
- സ്പോര്‍ട്സ് മികവ് രജിസ്ട്രേഷനും പരിശോധനയും --ആഗസ്റ്റ് 24 മുതല്‍ സെപ്റ്റംബര്‍ എട്ടുവരെ,
- ഒണ്‍ലൈന്‍ രജിസ്ട്രേഷന്‍ ആഗസ്റ്റ് 31- സെപ്റ്റംബര്‍ 9
- ഒന്നാം അലോട്ട്മെന്റ്- സെപ്റ്റംബര്‍ 13,
- മുഖ്യ അലോട്ട്മെന്റ് അവസാനിക്കുന്നത് -സെപ്റ്റംബര്‍ 23,
- കമ്യൂണിറ്റി േക്വാട്ട, ഡാറ്റാ എന്‍ട്രി -സെപ്റ്റംബര്‍ 10-20,
- റാങ്ക് പട്ടിക -സെപ്റ്റംബര്‍ 22,
- പ്രവേശനം ആരംഭിക്കുന്നത് -സെപ്റ്റംബര്‍ 23,
- മാനേജ്മെന്‍റ് ക്വാട്ട / അണ്‍ എയ്ഡഡ്, പ്രവേശനം- സെപ്റ്റംബര്‍ 22 -29
ട്രയല്‍ അലോട്ട്മെന്റ്
അപേക്ഷകര്‍ക്ക് അവസാന പരിശോധനയും തിരുത്തലുകളും വരുത്താന്‍ ആദ്യ അലോട്ട്മെന്റ് പ്രസിദ്ധീകരിക്കും മുമ്ബ് ട്രയല്‍ അലോട്ട്മെന്റ് നടത്തും. ട്രയല്‍ അലോട്ട്മെന്റ് പ്രസിദ്ധീകരിച്ചേശഷം അപേക്ഷയില്‍ തെറ്റുകളുണ്ടെങ്കില്‍ കാന്‍ഡിഡേറ്റ് ലോഗിനിലൂടെ അപേക്ഷകര്‍ക്ക് നിര്‍ദിഷ്ട ദിവസങ്ങളില്‍ തിരുത്താനാകും.
അലോട്ട്മെന്റ് പ്രക്രിയ
രണ്ട് അലോട്ട്മെന്‍റുകള്‍ അടങ്ങിയ മുഖ്യഘട്ടത്തിനുശേഷം ഒഴിവുകളിലേക്ക് സപ്ലിമെന്‍ററി അലോട്ട്മെന്റ് നടത്തും. ഒന്നാം അലോട്ട്മെന്‍റില്‍ ഉയര്‍ന്ന ഒാപ്ഷനുകള്‍ അവശേഷിക്കുന്നെങ്കില്‍ താല്‍ക്കാലിക പ്രവേശനം നേടിയാല്‍ മതി. എന്നാല്‍, മുഖ്യഅലോട്ട്മെന്‍റ് ഘട്ടത്തോടെ (രണ്ടാം അലോട്ട്മെന്റ്) പ്രവേശനം സ്ഥിരപ്പെടുത്തണം. മുഖ്യഘട്ടത്തില്‍ പ്രവേശനം ലഭിക്കാത്തവര്‍ സപ്ലിമെന്‍ററി ഘട്ടത്തിലേക്ക് പരിഗണിക്കാന്‍ അപേക്ഷയും ഒപ്ഷനുകളും ഒഴിവുകള്‍ക്കനുസൃതമായി പുതുക്കണം. അപേക്ഷ പുതുക്കാത്തവരെ സപ്ലിമെന്‍ററി ഘട്ടത്തിലേക്ക് പരിഗണിക്കില്ല. അലോട്ട്മെന്റ് ലഭിച്ചിട്ടും പ്രവേശനം നേടാത്തവരെ തുടര്‍ അലോട്ട്മെന്‍റുകളില്‍ പരിഗണിക്കില്ല. അപേക്ഷകരുണ്ടെങ്കില്‍ സപ്ലിമെന്‍ററി അലോട്ട്മെന്‍റുകള്‍ക്ക് ശേഷം ജില്ലാന്തര സ്കൂള്‍/ കാംബിനേഷന്‍ മാറ്റങ്ങള്‍ അനുവദിക്കും.
സ്ഥിര/ താല്‍ക്കാലിക പ്രവേശനം
ഒന്നാം ഒപ്ഷന്‍ പ്രകാരം അലോട്ട്മെന്റ് ലഭിക്കുന്ന വിദ്യാര്‍ഥികള്‍ ഫീസൊടുക്കി നിശ്ചിതമസയത്തിനകം സ്ഥിരപ്രവേശനം നേടണം. ഫീസടച്ചില്ലെങ്കില്‍ ഇൗ സീറ്റ് ഒഴിഞ്ഞതായി കണക്കാക്കും. ഇ വിദ്യാര്‍ഥികള്‍ക്ക് പിന്നീട് അവസരം നല്‍കില്ല. താഴ്ന്ന ഒപ്ഷനില്‍ അലോട്ട്മെന്റ് ലഭിക്കുകയും തുടര്‍ ഘട്ടങ്ങളില്‍ ഉയര്‍ന്ന ഒപ്ഷനിലേക്ക് മാറ്റം പ്രതീക്ഷിക്കുകയും ചെയ്യുന്നവര്‍ താല്‍ക്കാലിക പ്രവേശനം നേടിയാല്‍ മതി. പ്രവേശന യോഗ്യത തെളിയിക്കുന്ന അസല്‍ രേഖകള്‍ പ്രിന്‍സിപ്പലിന് നല്‍കിയാല്‍ താല്‍ക്കാലിക പ്രവേശനം ലഭിക്കും. ഈ ഘട്ടത്തില്‍ ഫീസടക്കേണ്ട. മെച്ചപ്പെട്ട ഒാപ്ഷന്‍ ലഭിച്ചശേഷം താല്‍ക്കാലിക പ്രവേശനം നേടിയ സ്കൂളില്‍നിന്ന് സര്‍ട്ടിഫിക്കറ്റ് വാങ്ങി പുതിയ സ്കൂളില്‍ പ്രവേശനം നേടിയാല്‍ മതി. കോവിഡ് സാഹചര്യത്തില്‍ ഒണ്‍ലൈനായി പ്രവേശനം നേടുന്നതിനും ഇപേമെന്‍റിലൂടെ ഫീസടക്കുന്നതിനുമുള്ള സൗകര്യവും കാന്‍ഡിഡേറ്റ് ലോഗിനില്‍ ലഭ്യമാകും.
വി.എച്ച്‌.എസ്.ഇ അപേക്ഷ 24 മുതല്‍
വൊക്കേഷനല്‍ ഹയര്‍സെക്കന്‍ഡറി പ്രവേശനത്തിന് ആഗസ്റ്റ് 24 മുതല്‍ സെപ്റ്റംബര്‍ മൂന്നുവരെ ഒണ്‍ലൈനായി അപേക്ഷിക്കാം. ട്രയല്‍ സെപ്റ്റംബര്‍ ഏഴിനും ആദ്യ അലോട്ട്മെന്റ് 13നും പ്രസിദ്ധീകരിക്കും. www.admission.dge.kerala.gov.in വെബ്സൈറ്റില്‍ പ്രവേശിച്ചശേഷം 'Click for Higher Secondary (Vocational) Admission' എന്ന ലിങ്കില്‍ ക്ലിക്ക് ചെയ്ത് അപേക്ഷ സമര്‍പ്പിക്കാം. സംസ്ഥാനെത്ത 389ചട്ടക്കൂട് (എന്‍.എസ്.ക്യു.എഫ്) പ്രകാരമുള്ള 48 സ്കില്‍ കോഴ്സുകള്‍ വി.എച്ച്‌.എസ്.ഇ പ്രത്യേകതയാണ്. വിദ്യാര്‍ഥികളെ സഹായിക്കാന്‍ സ്കൂളുകളില്‍ ഹെല്‍പ് ഡെസ്ക് പ്രവര്‍ത്തിക്കും. പ്രോസ്പെക്ടസ് vhscap.kerala.gov.in ല്‍. വി.എച്ച്‌.എസ്.ഇകളില്‍ ഏകജാലകത്തിലൂടെയാണ് പ്രവേശനം. ഒരു ബാച്ചില്‍ 30 സീറ്റുകളാണുള്ളത്. ദേശീയ തൊഴില്‍ നൈപുണി വിദ്യാഭ്യാസ
0 comments: