നമ്മുടെ രാജ്യത്ത് എല്ലായിടത്തും ഉടന്‍ ഓഫ്‌ലൈന്‍ പേയ്‌മെന്റ് സംവിധാനങ്ങള്‍ നടപ്പാക്കുമെന്ന് പ്രഖ്യാപിച്ച്‌ റിസര്‍വ് ബാങ്ക് ഓഫ് ഇന്ത്യ (ആര്‍ബിഐ) .
UPI, IMPS, RTGS മുതലായ ഓണ്‍ലൈന്‍ ഡിജിറ്റല്‍ മോഡുകള്‍ ഉപയോഗിച്ച്‌ പേയ്മെന്റുകള് നടത്താന്‍ ഇന്റര്‍നെറ്റ് കണക്റ്റിവിറ്റി പ്രശ്നങ്ങള്‍ അനുഭവിക്കുന്ന ഉപഭോക്താക്കള്‍ക്ക് പ്രസിദ്ധീകരണം അനുസരിച്ച്‌ ഓഫ്‌ലൈന്‍ പേയ്‌മെന്റ് സംവിധാനം ഉപയോഗിച്ച്‌ പേയ്‌മെന്റ് നടത്താന്‍ കഴിയുമെന്നും ഇവർ അറിയിച്ചു .
ഇന്റര്‍നെറ്റ് കണക്റ്റിവിറ്റി കുറവുള്ള / കിട്ടാത്ത (ഓഫ്‌ലൈന്‍ മോഡ്) സാഹചര്യങ്ങളില്‍ പോലും ഡിജിറ്റല്‍ പേയ്മെന്റുകള് നടപ്പാക്കുന്ന പുതിയ സാങ്കേതികവിദ്യയുടെ പൈലറ്റ് ടെസ്റ്റുകള്‍ നടത്താനുള്ള പദ്ധതികള്‍ പ്രസിദ്ധീകരിച്ചു .
2020 സെപ്റ്റംബര്‍ മുതല്‍ 2021 ജൂണ്‍ വരെയുള്ള കാലയളവില്‍ രാജ്യത്തിന്റെ പല ഭാഗങ്ങളില്‍ പദ്ധതി വിജയകരമായി നടത്തി. ഇത്തരം പദ്ധതികള്‍ വിദൂര പ്രദേശങ്ങളില്‍ അവതരിപ്പിക്കാന്‍ കഴിയുമെന്ന് പഠനങ്ങള്‍ സൂചിപ്പിക്കുന്നു.
രാജ്യത്ത് എല്ലായിടത്തും ഓഫ്‌ലൈന്‍ മോഡില്‍ റീട്ടെയില്‍ ഡിജിറ്റല്‍ പേയ്മെന്റുകള് നടത്തുന്നതിനുള്ള ഒരു ചട്ടക്കൂട് അവതരിപ്പിക്കാനാണ് ആര്‍ബിഐ തീരുമാനിക്കുന്നത് . വിശദമായ മാര്‍ഗ്ഗനിര്‍ദ്ദേശങ്ങള്‍ അതാത് സമയം ലഭ്യമാക്കും . '
ഓഫ്‌ലൈന്‍ മോഡില്‍ ചെറിയ മൂല്യമുള്ള റീട്ടെയില്‍ ഇടപാടുകള്‍ക്കുള്ള പൈലറ്റ് സ്കീം കാര്‍ഡുകളും മൊബൈല്‍ വാലറ്റുകളും ഉപയോഗിച്ചാണ് നടത്തിയത്. പൈലറ്റ് സ്കീം മാര്‍ഗ്ഗനിര്‍ദ്ദേശങ്ങള്‍ അനുസരിച്ച്‌, ഒരു പേയ്‌മെന്റ് ഇടപാടിന്റെ ഉയര്‍ന്ന പരിധി 200 രൂപയും ഓഫ്‌ലൈന്‍ ഇടപാടുകളുടെ ആകെ പരിധി 2,000 രൂപയുമാണ്.
0 comments: