2021, ഒക്‌ടോബർ 28, വ്യാഴാഴ്‌ച

പ്ലസ് വൺ സീറ്റുകളുടെ ഒഴിവുകൾ ഇനിയും ശേഷിക്കുന്നു

                               


പത്തനംതിട്ട: ജില്ലയില്‍ പ്ലസ്​ വണ്ണിന്​ 2508 സീറ്റുകള്‍ ഒഴിവുണ്ട്.ജനറല്‍ വിഭാഗത്തില്‍ 1546 സീറ്റുകള്‍ ഒഴിവ്​ വന്നിട്ടുണ്ട്​ .

ധീവര 22, ഭിന്നശേഷി 38, ഇ. ഡബ്ല്യു. എസ്​ 112, ഈഴവ/ തീയ്യ/ ബില്ലവ 89, ഹിന്ദു ഒ. ബി.സി 34, കുടുംബി 11, കുശവ 11, എല്‍.സി/ എസ്​.ഐ.യു.സി/ ആം​ഗ്ലോ ഇന്ത്യന്‍ 34, മുസ്​ലിം 78, എസ്​. സി 301, എസ്​. ടി 200, വിശ്വകര്‍മ 22 , ക്രിസ്​ത്യന്‍ ഒ.ബി.സി 11 എന്നിങ്ങനെയാണ്​ ഒഴിവുകള്‍. പ്ലസ്​ വണ്‍ രണ്ടാംഘട്ട അലോട്ട്​​മെന്‍റ്​ അനുസരിച്ചു ​പ്രവേശന നടപടികള്‍ ജില്ലയില്‍ പൂര്‍ത്തിയായിട്ടുണ്ട്​.

ജില്ലയില്‍ ഇപ്പോൾ 10,341 ​പേരാണ്​ എസ്​.എസ്​.എല്‍.സി ജയിച്ചത്.​ ഇതില്‍ 2612 പേര്‍ക്ക്​ മുഴുവന്‍ വിഷയങ്ങള്‍ക്കും എ പ്ലസ്​ ലഭിച്ചിരുന്നു. ജില്ലയില്‍ ഇനി അധിക ബാച്ചുകളുടെ ആവശ്യമില്ല. അപേക്ഷിച്ച എല്ലാവർക്കും സീറ്റ്​ ഉറപ്പായിട്ടുണ്ട്​. എന്നാല്‍, മുഴുവന്‍ വിഷയങ്ങള്‍ക്കും​ എ പ്ലസ്​ ലഭിച്ച ചില കുട്ടികള്‍ക്ക്​ ആവശ്യപ്പെട്ട സയന്‍സ്​ വിഷയം കിട്ടിയില്ലെന്ന പരാതിയുമുണ്ട്​.

ഗ്രാമീണ മേഖലയിലെ വിദ്യാലയങ്ങളിലാണ് ​ കൂടുതല്‍ സീറ്റുകള്‍ ഒഴിവ്​ വന്നിട്ടുള്ളത്​. യാത്രാ സൗകര്യത്തി​ന്റെ  അഭാവം കാരണം പല കുട്ടികളും ഗ്രാമപ്രദേശങ്ങളിലെ സ്​കൂളുകള്‍ തെരഞ്ഞെടുക്കാന്‍ തയാറായില്ല. എന്നാല്‍, ​പത്തനംതിട്ട ഉള്‍പ്പെടെയുള്ള പ്രധാന ടൗണ്‍ പ്രദേശങ്ങളിലെ മികച്ച സ്​കൂളുകളാണ്​ കൂടുതല്‍ പേരും തെരഞ്ഞെടുത്തത്​. ഉയര്‍ന്ന വിജയ ശതമാനമുള്ള സ്​കൂളുകളോടാണ്​ കൂടുതല്‍ കുട്ടികൾക്കും താല്‍പര്യം ഉള്ളത് .

0 comments: