ആമുഖം
കേരള പോസ്റ്റല്‍ സര്‍ക്കിളില്‍ മികച്ച കായികതാരങ്ങള്‍ക്ക് അവസരം.പോസ്റ്റല്‍/സോര്‍ട്ടിങ് അസിസ്റ്റന്‍റ്, പോസ്റ്റ്മാന്‍/മെയിന്‍ ഗാര്‍ഡ്, മള്‍ട്ടി ടാസ്കിങ് സ്റ്റാഫ് തസ്തികകളിലായി സ്പോര്‍ട്സ് ക്വാട്ടയില്‍ 95 ഒഴിവുകളുണ്ട്.നേരിട്ടുള്ള നിയമനത്തിന് ഇപ്പോള്‍ അപേക്ഷിക്കാം. നിശ്ചിത അപേക്ഷാഫോറവും വിശദവിവരങ്ങളും www.keralapost.gov.inല്‍നിന്നും ഡൗണ്‍ലോഡ് ചെയ്യാം. ഡിസംബര്‍ മൂന്ന് വരെ അപേക്ഷകള്‍ സ്വീകരിക്കും.
പോസ്റ്റല്‍/സോര്‍ട്ടിങ് അസിസ്റ്റന്‍റ്
ശമ്പളനിരക്ക്-25,500-81,100 രൂപ
യോഗ്യത
- ഹയര്‍ സെക്കന്‍ഡറി/പ്ലസ്ടു/തത്തുല്യ ബോര്‍ഡ് പരീക്ഷ പാസായിരിക്കണം.
- 60 ദിവസത്തില്‍ കുറയാത്ത അംഗീകൃത ബേസിക് കമ്പ്യൂട്ടർ ട്രെയിനിങ് സര്‍ട്ടിഫിക്കറ്റ് നിയമനത്തിന് മുൻപ് നേടിയിരിക്കണം.
- പത്ത്/പന്ത്രണ്ട് ക്ലാസില്‍ കമ്പ്യൂട്ടർ ഒരുവിഷയമായി പഠിച്ചിട്ടുള്ളവര്‍ക്ക് ഇത് ആവശ്യമില്ല.
പ്രായപരിധി -18-27 വയസ്സ്.
പോസ്റ്റ്മാന്‍/മെയില്‍ഗാര്‍ഡ്
ശമ്പളനിരക്ക്-21,700-69,100 രൂപ,
യോഗ്യത
- മലയാളഭാഷ പരിജ്ഞാനം വേണം.
- 10ാം ക്ലാസ് വരെയെങ്കിലും മലയാളഭാഷ പഠിച്ചിരിക്കണം.
- പോസ്റ്റ്മാന്‍ തസ്തികക്ക് പ്രാബല്യത്തിലുള്ള ടൂവീലര്‍/ലൈറ്റ് മോട്ടോര്‍ വെഹിക്കിള്‍ ഡ്രൈവിങ് ലൈസന്‍സുണ്ടാകണം
മള്‍ട്ടി ടാസ്കിങ് സ്റ്റാഫ്
ശമ്പളനിരക്ക്-18,000-56,900
യോഗ്യത
10ാം ക്ലാസ്/തത്തുല്യ പരീക്ഷ പാസായിട്ടുള്ളവര്‍ക്ക് അപേക്ഷിക്കാം.
പ്രായപരിധി -18-25 വയസ്സ്.ഒ.ബി.സിക്കാര്‍ക്ക് 3 വര്‍ഷവും പട്ടികജാതി/വര്‍ഗക്കാര്‍ക്ക് 5 വര്‍ഷവും പ്രായപരിധിയില്‍ ഇളവുണ്ട്.
64 സ്പോര്‍ട്സ്/ഗെയിംസ് ഐറ്റങ്ങളിലാണ് അവസരം. അപേക്ഷകര്‍ ബന്ധപ്പെട്ട കായിക ഇനങ്ങളില്‍ സ്റ്റേറ്റ്/നാഷനല്‍/ഇന്‍റര്‍നാഷനല്‍ മത്സരങ്ങളില്‍ പങ്കെടുത്ത് പ്രതിഭ തെളിയിച്ചവരാകണം.യൂനിവേഴ്സിറ്റി/ഇന്‍റര്‍ യൂനിവേഴ്സിറ്റി, സ്റ്റേറ്റ്/സ്കൂള്‍ തലങ്ങളില്‍ പങ്കെടുത്തിട്ടുള്ളവരെയും പരിഗണിക്കും.ഫിസിക്കല്‍ എഫിഷ്യന്‍സിയില്‍ ദേശീയ അവാര്‍ഡ് നേടിയ സ്പോര്‍ട്സ്മാന്‍മാര്‍ക്കും അപേക്ഷിക്കാം.അപേക്ഷ സമര്‍പ്പണത്തിനുള്ള നിര്‍ദേശങ്ങള്‍, തെരഞ്ഞെടുപ്പ് നടപടിക്രമങ്ങള്‍, വിവിധ പോസ്റ്റല്‍ ഡിവിഷന്‍/യൂണിറ്റ്/ഓഫിസുകളില്‍ ഓരോ തസ്തികയിലും ലഭ്യമായ ഒഴിവുകള്‍ അടക്കം കൂടുതല്‍ വിവരങ്ങള്‍ വെബ്സൈറ്റിലുണ്ട്.അപേക്ഷഫീസ് 100 രൂപയാണ്. നിശ്ചിത ഫോറത്തില്‍ തയാറാക്കിയ അപേക്ഷ C/o Chief postmaster General, Kerala circle, Thiruvananthapuram-695033ല്‍ ഡിസംബര്‍ 3 വരെ സ്വീകരിക്കും.
0 comments: