കേരളത്തിലെ പെൺകുട്ടികൾക്ക് വിവാഹ ധനസഹായം 1 ലക്ഷം രൂപ ലഭിക്കും, മംഗല്യ സമുന്നതി പദ്ധതിയെ കുറിച്ച് അറിഞ്ഞിരിക്കുക

സാമ്പത്തികമായി പിന്നോക്കം നിൽക്കുന്ന കുടുംബങ്ങളിലെ പെൺകുട്ടികളുടെ വിവാഹ ധനസഹായത്തിന് ഇപ്പോൾ അപേക്ഷിക്കാം. മംഗല്യ സമുന്നതി പദ്ധതി (2021-22) പ്രകാരമുള്ള ഈ ആനുകൂല്യം ലഭിക്കുന്നത് മുന്നോക്ക സമുദായക്കാരിലെ പാവപ്പെട്ടവർക്കാണ്. 2021 ഫെബ്രുവരി 10 നും 2021 ഡിസംബർ 31 നും ഇടയിൽ വിവാഹിതരായവർക്ക് അപേക്ഷ സമർപ്പിക്കാം.

അപേക്ഷ ഫോം ലഭിക്കാൻ ലിങ്ക് -https://www.kswcfc.org/files/pdf2021/mangalya2021-22_guideline_applicationform.pdf

ആർക്കൊക്കെ ലഭിക്കും ?

മഞ്ഞ / പിങ്ക് റേഷൻ കാർഡ് ഉള്ളവർക്കാണ് അപേക്ഷിക്കാനുള്ള അർഹത.
കുടുംബ വാർഷിക വരുമാനം ഒരു ലക്ഷം രൂപയിൽ കവിയരുത്.
സംവരണേതര വിഭാഗത്തിൽ ഉൾപ്പെട്ടവരായിരിക്കണം.
22 വയസ്സിനു മുകളിലായിരിക്കണം വിവാഹിതയുടെ പ്രായം.
വിവാഹിതയായ കുട്ടിയുടെ അച്ഛൻ / അമ്മയാണ് അപേക്ഷ സമർപ്പിക്കേണ്ടത്.

ഒരു ലക്ഷം രൂപയാണ് സഹായ ധനമായി അനുവദിക്കുന്നത്. ലഭ്യമായ അപേക്ഷകളിൽ നിന്നും ഏറ്റവും കുറഞ്ഞ വരുമാനമുള്ള 200 പേർക്കാണ് സഹായം ലഭിക്കുക. മാതാപിതാക്കൾ നഷ്ടപ്പെട്ടവർ / ഭിന്നശേഷിക്കാർ തുടങ്ങിയവർക്ക് മുൻഗണനയുണ്ട്.

മംഗല്യ സമുന്നതി സ്കീമിന് ആവശ്യമായ ഡോക്യുമെന്റുകളുടെ ലിസ്റ്റ് ചുവടെ നിങ്ങൾക്ക് പരിശോധിക്കാം.