വിദ്യാര്ത്ഥികളുടെ ബസ് യാത്ര: ആര്.ടി.ഒ സാക്ഷ്യപ്പെടുത്തിയ കണ്സഷന് കാര്ഡുകള് നിര്ബന്ധമാക്കും
മലപ്പുറം: ജില്ലയിലെ സ്കൂള്-കോളജ് വിദ്യാര്ത്ഥികള് ബസ് യാത്രയ്ക്കായി ആര്.ടി.ഒ സാക്ഷ്യപ്പെടുത്തിയ കണ്സഷന് കാര്ഡുകള് തന്നെ ഉപയോഗിക്കുന്നത് ഉറപ്പാക്കാന് സ്റ്റുഡന്റ്സ് ട്രാവലിങ് ഫെസിലിറ്റി കമ്മിറ്റി തീരുമാനം. നിലവില് അധ്യയനം തുടരുന്ന വിദ്യാര്ത്ഥികള്ക്ക് ജൂലായ് 31 വരെ ആര്.ടി.ഒ സാക്ഷ്യപ്പെടുത്തിയ കണ്സഷന് കാര്ഡുകള് ലഭ്യമാക്കുന്നതിന് സമയം അനുവദിച്ചു.കോഴ്സുകളില് പുതുതായി പ്രവേശനം നേടുന്നവര്ക്ക് തുടര്ന്നും ആര്.ടി.ഒ കണ്സഷന് കാര്ഡുകള് അനുവദിക്കും. അര്ഹരായ വിദ്യാര്ത്ഥികള്ക്ക് മാത്രം യാത്രാ ആനുകൂല്യം ഉറപ്പാക്കണമെന്നും കണ്സഷന് കാര്ഡുകളുടെ ദുരുപയോഗം തടയണമെന്നുമുള്ള ബസ് ഉടമകളുടെയും ബസ് തൊഴിലാളികളുടെയും ആവശ്യം പരിഗണിച്ചാണ് തീരുമാനം.
എസ്എസ്എല്സി ഉത്തരകടലാസുകളുടെ പുനർമൂല്യനിര്ണയം, സൂക്ഷ്മ പരിശോധന, ഫോട്ടോ കോപ്പി എന്നിവയ്ക്കുള്ള അപേക്ഷകള് ജൂണ് 16 മുതല് 21 വരെ ഓണ്ലൈനായി നല്കാം
2022 മാർച്ച് എസ് .എസ് .എൽ .സി പരീക്ഷയുടെ ഉത്തര കടലാസുകളുടെ പുനർമൂല്യനിർണയം ,സ്ക്രൂട്ടിനി, ഫോട്ടോകോപ്പി എന്നിവ ആഗ്രഹിക്കുന്ന പരീക്ഷാർത്ഥികൾക്കു ആയതിനുള്ള ഓൺലൈൻ അപേക്ഷകൾ ഔദ്യോഗിക വെബ്സൈറ്റ് ആയ https://sslcexam.kerala.gov.in/ൽ 16-06-2022 മുതൽ ഓൺലൈനായി അപേക്ഷിക്കാം. രജിസ്റ്റർ നമ്പറും ജനനത്തീയതിയും നൽകുമ്പോൾ വിദ്യർത്ഥിയുടെ വിവരങ്ങളും നിലവിലെ ഗ്രേഡ് വിവരങ്ങളും കാണാവുന്നതാണ് .അപേക്ഷയിൽ ഉൾപ്പെടുത്തേണ്ട വിവരണങ്ങൾ നൽകി സേവ് ചെയുമ്പോൾ അപേക്ഷയിൽ സമർപ്പിച്ച വിവരങ്ങൾ കാണാവുന്നതും ഒരിക്കൽ കൂടി പരിശോദിച്ചു തെറ്റുകൾ ഉണ്ടെങ്കിൽ EDIT ബട്ടൺ ഉപയോഗിച്ച് വിവരങ്ങൾ തിരുത്താവുന്നതും അല്ലെങ്കിൽ CONFIRMATION ചെയ്യാവുന്നതാണ് .ഈ രീതിയിൽ ഫൈനൽ confirmation നടത്തുമ്പോൾ ലഭ്യമാക്കുന്ന print out,അപേക്ഷ ഫിസും പരീക്ഷ എഴുതിയ സെന്ററിലെ പ്രഥമ അധ്യാപകന് ജൂൺ 20 നു വൈകുന്നേരം അഞ്ചു മണിക്ക് മുൻപ് സമർപ്പിക്കേണ്ടതാണ് .പ്രസ്തുത അപേക്ഷകൾ 22 -06 -2022 വൈകുന്നേരം 5 മണിക്ക് മുൻപ് പ്രധമ അദ്ധ്യാപകൻ confirmation പൂർത്തിയാക്കേണ്ടതാണ് .ഉത്തര കടലാസുകളുടെ പുനർമൂല്യനിർണയത്തിന് പേപ്പർ ഒന്നിന് 400 രൂപയും ഫോട്ടോകോപ്പിക്ക് 200 രൂപയും സ്ക്രൂട്ടിനിക്ക് 50 രൂപ നിരക്കിൽ ഫീസ് അടക്കണം .
എ പ്ലസ് നേട്ടത്തില് കൂടുതല് പേര്ക്ക് കാലിടറിയത് ഗണിതത്തില്
മുഴുവന് വിഷയങ്ങളിലും എ പ്ലസ് നേടുന്നതില് കൂടുതല് പേര്ക്കും കാലിടറിയത് ഗണിതത്തില്.4.26 ലക്ഷം പേര് പരീക്ഷയെഴുതിയതില് 95,695 പേര്ക്കാണ് ഗണിതത്തില് എ പ്ലസ് നേടാനായത്. ഗണിത പഠനത്തില് കേരളത്തിലെ വിദ്യാര്ഥികളുടെ പിന്നാക്കാവസ്ഥ നാഷനല് അച്ചീവ്മെന്റ് സര്വേയില് ഉള്പ്പെടെ പ്രതിഫലിക്കുന്നതിനിടെയാണ് എസ്.എസ്.എല്.സി ഫലവും പുറത്തുവരുന്നത്.
എ പ്ലസ് വിപ്ലവത്തിന്' ഫോക്കസ് ഏരിയയിലെ കടുംപിടുത്തത്തിലൂടെ നിയന്ത്രണം
കഴിഞ്ഞവര്ഷം പ്ലസ് വണ് പ്രവേശനത്തില് ഉള്പ്പെടെ പ്രതിസന്ധി സൃഷ്ടിച്ച എസ്.എസ്.എല്.സി പരീക്ഷയിലെ എ പ്ലസ് വിപ്ലവം ഫോക്കസ് ഏരിയയിലെ കടുംപിടുത്തത്തിലൂടെ നിയന്ത്രണത്തിലാക്കി വിദ്യാഭ്യാസ വകുപ്പ്.കഴിഞ്ഞവര്ഷം 1,25,509 പേര്ക്ക് മുഴുവന് വിഷയത്തിനും എ പ്ലസ് ലഭിച്ചത് സര്ക്കാറിനെ പ്രതിസന്ധിയിലാക്കിയിരുന്നു.പ്ലസ് വണ് പ്രവേശനത്തില് നാല് അലോട്ട്മെന്റുകള് പിന്നിട്ടിട്ടും എ പ്ലസുകാര്ക്ക് പ്രവേശനം ലഭിക്കാത്ത സാഹചര്യമുണ്ടായി. ഒടുവില് 30 ശതമാനം വരെ സീറ്റ് വര്ധനവും 79 താല്ക്കാലിക ബാച്ചുകളും അനുവദിച്ചാണ് പ്രതിസന്ധി പരിഹരിച്ചത്.
രണ്ടാം വർഷ ഹയർ സെക്കന്ററി വിദ്യാർത്ഥികൾക്ക് സ്കൂൾ മാറ്റത്തിനു അപേക്ഷ ക്ഷണിച്ചു
ഒരു സ്കൂളിൽ ഒന്നാം വർഷം പൂർത്തിയാക്കിയ ശേഷം ഹയർ സെക്കൻഡറി കോഴ്സിന്റെ രണ്ടാം വർഷം തുടരാൻ ആഗ്രഹിക്കുന്ന വിദ്യാർഥികൾ രണ്ടാം വർഷ സ്കൂൾ ട്രാൻസ്ഫറിന് അപേക്ഷ സമർപ്പിക്കണം. സംസ്ഥാന സിലബസിൽ പഠിച്ച ഹയർസെക്കൻഡറി ഒന്നാം വർഷം പൂർത്തിയാക്കിയ സർക്കാർ/എയ്ഡഡ്/അൺ എയ്ഡഡ് വിദ്യാർഥികളുടെ സ്കൂൾ ട്രാൻസ്ഫർ അപേക്ഷകൾ പരിഗണിക്കാനും ഒഴിവുകളുണ്ടെങ്കിൽ രണ്ടാം വർഷത്തിൽ പ്രവേശനം നേടാനും ഹയർസെക്കൻഡറി സ്കൂൾ പ്രിൻസിപ്പലിന് അവകാശമുണ്ട്. സ്കൂൾ തുറന്ന് 30 ദിവസത്തിനുള്ളിൽ രണ്ടാം വർഷ സ്കൂൾ ട്രാൻസ്ഫർ അപേക്ഷ പൂർത്തീകരിക്കും. സർക്കാർ / എയ്ഡഡ് / അൺ എയ്ഡഡ് സ്കൂൾ വിദ്യാർത്ഥികൾക്ക് പരസ്പര സ്കൂൾ കൈമാറ്റം അനുവദനീയമാണ്
പത്താംതരം തുല്യതാ പരീക്ഷ ഓഗസ്റ്റ് 17 മുതൽ
2022 ലെ പത്താംതരം തുല്യതാപരീക്ഷാ ഓഗസ്റ്റ് 17 മുതൽ 30 വരെ നടക്കും. പരീക്ഷാഫീസ് ജൂൺ 17 മുതൽ 25 വരെ പിഴയില്ലാതെയും 26 മുതൽ 28 വരെ പിഴയോടുകൂടിയും പരീക്ഷാകേന്ദ്രങ്ങളിൽ (ഉച്ചയ്ക്ക് 2 മണി മുതൽ 5 മണി വരെ) അടയ്ക്കാം.വിശദവിവരങ്ങൾ പരീക്ഷാഭവന്റെ വെബ്സൈറ്റിൽ (pareekshabhavan.kerala.gov.in) ലഭിക്കും.
കേരള ഇൻസ്റ്റിറ്റ്യൂട്ട് ഓഫ് ഡിസൈനിങ്ങിൽ ബിരുദ, ബിരുദാനന്തര ഡിപ്ലോമ പ്രോഗ്രാമുകൾ
കേരള സ്റ്റേറ്റ് ഇൻസ്റ്റിറ്റ്യൂട്ട് ഓഫ് ഡിസൈനിനു കീഴിലുള്ള ബിരുദ കോഴ്സുകളിലേക്കും ബിരുദാനന്തര ഡിപ്ലോമ പ്രോഗ്രാമുകളിലേക്കും അപേക്ഷിക്കാം. രണ്ടു വർഷത്തെ ഫൗണ്ടേഷൻ പ്രോഗ്രാമുകൾക്കും പ്രോഡക്റ്റ്് ഡിസൈൻ, കമ്യൂണിക്കേഷൻ ഡിസൈൻ, ടെക്സ്റ്റൈൽ ഡിസൈൻ, അപ്പാരൽ ഡിസൈൻ എന്നീ സ്പെഷ്യലൈസ്ഡ് ബിരുദ കോഴ്സുകളിലേക്കും ഐടി ഇന്റഗ്രേറ്റഡ് കമ്മ്യൂണിക്കേഷൻ ഡിസൈൻ, ഇന്റഗ്രേറ്റഡ് ടെക്സ്റ്റൈൽ ആൻഡ് അപ്പാരൽ ഡിസൈൻ, ഇന്റഗ്രേറ്റഡ് ലൈഫ്സ്റ്റൈൽ പ്രോഡക്ട് ഡിസൈൻ എന്നീ ബിരുദാനന്തര ഡിപ്ലോമ കോഴ്സുകളിലേക്കുമാണ് അപേക്ഷ ക്ഷണിച്ചിരിക്കുന്നത്.എൽ.ബി.എസ്. സെന്റർ ഫോർ സയൻസ് ആൻഡ് ടെക്നോളജി നടത്തുന്ന പ്രവേശന പരീക്ഷയുടെ അടിസ്ഥാനത്തിലായിരിക്കും ബിരുദ പ്രോഗ്രാമുകളിലേക്കുള്ള പ്രവേശനം. 45 ശതമാനം മാർക്കുനേടി പ്ലസ്ടു അല്ലെങ്കിൽ തത്തുല്യ പരീക്ഷ കഴിഞ്ഞ വിദ്യാർഥികൾക്ക് 27 വരെ tthp://www.lbscetnre.kerala.gov.in/ എന്ന വെബ്സൈറ്റിൽ അപേക്ഷിക്കാവുന്നതാണ്.
സി ആപ്റ്റ് കമ്പ്യൂട്ടർ കോഴ്സുകൾക്ക് അപേക്ഷ ക്ഷണിക്കുന്നു
സി ആപ്റ്റ് മൾട്ടി മീഡിയ അക്കാഡമിയുടെ, തിരുവനന്തപുരം സെന്ററിൽ, ആരംഭിക്കുന്ന വിവിധ കമ്പ്യൂട്ടർ കോഴ്സുകൾക്ക് അപേക്ഷ ക്ഷണിച്ചു. ഡി.സി.എ., ടാലി, ഗ്രാഫിക് ഡിസൈനിങ്, ഡാറ്റാ എൻട്രി ഓപ്പറേറ്റർ എന്നീ കോഴ്സുകൾക്ക് എസ്.എസ്.എൽ.സി/ പ്ലസ് 2 കഴിഞ്ഞവർക്ക് ജൂൺ 30 വരെ അപേക്ഷിക്കാം. അപേക്ഷ ഫോമിനും, വിശദവിവരങ്ങൾക്ക്: സി ആപ്റ്റ് സെന്റർ, എസ്.എസ്. കോവിൽ റോഡ്, തമ്പാനൂർ, തിരുവനന്തപുരം-1, ഫോൺ: 9447211254, 0471 2335852.
സൗജന്യ ദ്വിവത്സര സ്റ്റെനോഗ്രഫി കോഴ്സ്
ഗവ. പ്രീ എക്സാമിനേഷൻ ട്രെയിനിങ് സെന്റർ സംഘടിപ്പിക്കുന്ന കെ.ജി.ടി.ഇ ടൈപ്പ് റൈറ്റിങ് (ലോവർ, ഹയർ-ഇംഗ്ലീഷ്, മലയാളം) ഷോർട്ട് ഹാൻഡ്, കമ്പ്യൂട്ടർ വേഡ് പ്രൊസസിങ് എന്നീ വിഷയങ്ങളടങ്ങിയ ദ്വിവത്സര സ്റ്റെനോഗ്രഫി കോഴ്സിൽ ചേരുന്നതിന് ആലപ്പുഴ, എറണാകുളം, ഇടുക്കി, കോട്ടയം ജില്ലകളിലെ പ്ലസ്ടു/തത്തുല്യ പരീക്ഷ പാസായ 18നും 35 നും മധ്യേ പ്രായമുള്ള പട്ടികജാതി/പട്ടികവർഗ ഉദ്യോഗാർഥികളിൽ നിന്ന് അപേക്ഷ ക്ഷണിച്ചു. പഠന കാലയളവിൽ സ്റ്റൈപ്പന്റ് ലഭിക്കും.യോഗ്യതയുള്ള അപേക്ഷകർ വിദ്യാഭ്യാസ യോഗ്യത, ജാതി എന്നിവ തെളിയിക്കുന്ന സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകൾ, പാസ്പോർട് സൈസ് ഫോട്ടോ സഹിതം സെന്ററിൽ അപേക്ഷ നൽകണം. അവസാന തീയതി ജൂൺ 30. കൂടുതൽ വിവരങ്ങൾക്ക്: 0484 2623304.
അപേക്ഷ ക്ഷണിച്ചു
തിരുവനന്തപുരം കൈമനം സർക്കാർ വനിതാ പോളിടെക്നിക് കോളജിലെ കണ്ടിന്യൂയിംഗ് എഡ്യൂക്കേഷൻ സെല്ലിനു കീഴിൽ ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻ (ഡി.സി.എ), ഡെസ്ക് ടോപ് പബ്ലിഷിംഗ് (ഡി.റ്റി.പി), ഡേറ്റ എൻട്രി ഓട്ടോ കാഡ്, ടാലി, ബ്യൂട്ടീഷ്യൻ എന്നീ കോഴ്സുകളിലേക്ക് അപേക്ഷ ക്ഷണിച്ചു. ആൺ കുട്ടികൾക്കും അപേക്ഷിക്കാം. വിശദവിവരങ്ങൾക്ക്: 0471-2490670.
0 comments: