മുപ്പത് വയസ്സിന് മുകളില്‍ പ്രായമുള്ള എല്ലാവര്‍ക്കും വര്‍ഷത്തിലൊരിക്കല്‍ സൗജന്യ ആരോഗ്യപരിശോധന നടപ്പാക്കാന്‍ ഒരുങ്ങി മന്ത്രി വീണാ ജോര്‍ജ്ജ്.140 പഞ്ചായത്തുകളില്‍ ഈ പരിശോധന ആരംഭിച്ചതായി മന്ത്രി അറിയിച്ചു. ഇതുവരെ 1.3 ലക്ഷം പേരെ പരിശോധിച്ചു കഴിഞ്ഞു. വൃക്കരോഗം തടയാന്‍ കാമ്ബയിന്‍ നടത്തും. ചെലവേറിയ ഹീമോ ഡയാലിസിസിനുപകരം വീട്ടില്‍ ചെയ്യാവുന്ന പെരിറ്റോണിയല്‍ ഡയാസിസിസിനു പ്രചാരം നല്‍കുമെന്നും മന്ത്രി പറഞ്ഞു.
ജീവിതശൈലി രോഗങ്ങളും അതിനുള്ള സാധ്യതയും കണ്ടെത്താനാണ് വര്‍ഷത്തിലൊരിക്കല്‍ സൗജന്യ ആരോഗ്യപരിശോധന കൊണ്ട് ഉദേശിക്കുന്നത്. ഇതുവരെ 11 ജില്ലകളില്‍ പദ്ധതി തുടങ്ങി. മൂന്നിടത്ത് ഉടന്‍ ആരംഭിക്കും. സംസ്ഥാനത്താകെ 97 ആരോഗ്യസ്ഥാപനങ്ങളില്‍ ഡയാലിസിസ് കേന്ദ്രങ്ങളുണ്ടെന്നും മന്ത്രി അറിയിച്ചു.
0 comments: