ഏപ്രില്‍ 10 മുതല്‍ സ്വകാര്യ വാക്സിനേഷന് കേന്ദ്രങ്ങളില്‍ 18-ലധികം ആളുകള്‍ക്കായി മുന്‍കരുതലായി മൂന്നാം ഡോസ് കോവിഡ് -19 വാക്സിന് പുറത്തിറക്കുമെന്ന് കേന്ദ്ര ആരോഗ്യ മന്ത്രാലയം വെള്ളിയാഴ്ച അറിയിച്ചു.
18 വയസ്സിനു മുകളില്‍ പ്രായമുള്ളവര്‍ക്കും രണ്ടാം ഡോസ് വാക്സിന് എടുത്ത് ഒമ്ബത് മാസം തികഞ്ഞവര്‍ക്കും മുന്‍കരുതല്‍ മൂന്നാം ഡോസ് എടുക്കാമെന്ന് മന്ത്രാലയം അറിയിച്ചു. എങ്കിലും, ഈ പ്രത്യേക പ്രായത്തിലുള്ളവര്‍ക്ക്, ഇത് സ്വകാര്യ കേന്ദ്രങ്ങളില്‍ മാത്രമേ ലഭ്യമാകൂ.
നിലവില്‍ ഇപ്പോൾ മുന്‍‌ഗണനാ ഗ്രൂപ്പുകള്‍ക്ക് ഇന്ത്യ മുന്‍കരുതല്‍ മൂന്നാം ഡോസ് നല്‍കുന്നു - ആരോഗ്യ പ്രവര്‍ത്തകര്‍, മുന്‍‌നിര പ്രവര്‍ത്തകര്‍, 60 വയസ്സിനു മുകളിലുള്ളവര്‍ എന്നിവർക്ക് സര്‍ക്കാര്‍ വാക്സിനേഷന് കേന്ദ്രങ്ങളില്‍ സൗജന്യമായി നല്‍കുന്നുണ്ട്. നിലവിലെ ഔദ്യോഗിക കണക്കുകള്‍ പ്രകാരം ഇതുവരെ 2.4 കോടിയിലധികം മുന്‍കരുതല്‍ ഡോസുകള്‍ നല്‍കിയിട്ടുണ്ട്.
0 comments: