പ്ലസ് വണ്‍ രണ്ടാം സപ്ലിമെന്‍ററി അലോട്ട്മെന്‍റ് പ്രകാരമുള്ള വിദ്യാര്‍ഥികൾക്കുള്ള പ്രവേശനം പൂര്‍ത്തിയായപ്പോള്‍ മെറിറ്റ്/സ്പോര്‍ട്സ് ക്വോട്ടയില്‍ 37545 സീറ്റുകള്‍ ഒഴിവ്. എയ്ഡഡ് സ്കൂളുകളില്‍ മാനേജ്മെന്‍റ് ക്വോട്ടയില്‍ 9084 സീറ്റും കമ്യൂണിറ്റി ക്വോട്ടയില്‍ 6475 സീറ്റും ഒഴിവുണ്ട്. അണ്‍ എയ്ഡഡ് സ്കൂളുകളില്‍ 34423 സീറ്റുകളാണ് ഒഴിവുള്ളത്. അണ്‍ എയ്ഡഡ് ഉള്‍പ്പെടെ 87527 സീറ്റുകളാണ് ആകെ ബാക്കിയുള്ളത്. ഒഴിവുള്ള മെറിറ്റ്/ സ്പോര്‍ട്സ് ക്വോട്ട സീറ്റുകള്‍ സപ്ലിമെന്‍ററി അലോട്ട്മെന്‍റില്‍ നികത്തും.
മെറിറ്റ്/ സ്പോര്‍ട്സ് ക്വോട്ടയില്‍ ആകെയുണ്ടായിരുന്നത് 276125 സീറ്റുകളാണ്. ഇതില്‍ 238580 സീറ്റുകളിലേക്കാണ് വിദ്യാര്‍ഥിപ്രവേശനം നടന്നത്. 35214 മാനേജ്മെന്‍റ് ക്വോട്ട സീറ്റുകളില്‍ 26130 എണ്ണത്തിലേക്കും കമ്യൂണിറ്റി ക്വോട്ടയിലെ 27961 സീറ്റില്‍ 21486 സീറ്റുകളിലേക്കും പ്രവേശനം പൂര്‍ത്തിയായി. ഏകജാലക പ്രവേശനത്തില്‍ ഉള്‍പ്പെടാത്ത 55157 അണ്‍ എയ്ഡഡ് സീറ്റുകളില്‍ 20734 സീറ്റുകളിലേക്കാണ് പ്രവേശനം നടന്നത്. കമ്യൂണിറ്റി ക്വോട്ടയില്‍ ബാക്കിയുള്ള സീറ്റുകള്‍ സപ്ലിമെന്‍ററി ഘട്ടമായി ഒക്ടോബര്‍ 23 മുതല്‍ 25 വരെയാണ് നികത്തേണ്ടത്. അതേസമയം, കൂടുതല്‍ സീറ്റ് ക്ഷാമമുള്ള മലപ്പുറം ജില്ലയില്‍ സര്‍ക്കാര്‍, എയ്ഡഡ് ഹയര്‍ സെക്കന്‍ഡറികളിലായി ഇനി ബാക്കിയുള്ളത് 7563 സീറ്റുകളാണ്. ഹയര്‍ സെക്കന്‍ഡറി വിഭാഗം ശേഖരിച്ച കണക്ക് പ്രകാരം മലപ്പുറം ജില്ലയില്‍ 27000 അപേക്ഷകര്‍ക്ക് സീറ്റ് ലഭിച്ചിട്ടില്ലെന്നാണ്. 7563 സീറ്റുകള്‍ പരിഗണിച്ചാല്‍ പോലും 20000ത്തോളം പേര്‍ക്ക് ജില്ലയില്‍ സീറ്റുണ്ടാകില്ല.
ജില്ലകളില്‍ ഒഴിവുള്ള മെറിറ്റ്, മാനേജ്മെന്‍റ്, കമ്യൂണിറ്റി ക്വോട്ട സീറ്റുകള്‍ ക്രമത്തില്‍
തിരുവനന്തപുരം- 2879- 887- 586
കൊല്ലം-2207-840- 450
പത്തനംതിട്ട -2112- 574- 469
ആലപ്പുഴ -2283- 898- 515
കോട്ടയം -2510- 724- 387
ഇടുക്കി -1739- 280- 136
എറണാകുളം-3118- 525- 458
തൃശൂര്‍-3017-402-462
പാലക്കാട് - 2979- 633- 707
കോഴിക്കോട് - 3862-902- 589
മലപ്പുറം-5502-1487- 574
വയനാട്-991- 253- 169
കണ്ണൂര്‍ -290-, 606- 701
കാസര്‍കോട് -1438- 73- 272
0 comments: